Dansk momsip utertinnissaanut kingusinnerpaamik 30. septembari tikillugu qinnutigineqarsinnaapput.

Kalaallit suliffeqarfiutaat 2025-mi Danmarkimi aningaasartuuteqarpat, danskit malittarisassaat naapertorlugit danskit momsiannik akiliiffigineqarsimasoq, amerlanertigut danskit momsiat utertinneqarsinnaavoq.

2025-mi aningaasartuutit pillugit momsip utertinneqarnissaanut qinnuteqaat kingusinnerpaamik septembarip 30-ani 2026-mi nassiunneqarsimassaaq. Killissarititaasoq sivitsorneqarsinnaanngilaq.

Danmarkimi akileraartarnermut aqutsisoqarfiup nittartagaani takuneqarsinnaavoq danskit momsiannik qanoq utertitsisoqarsinnaanersoq, paasissutissallu uppernarsaatillu suut tunniunneqassanersut, uani linkimi takusinnaavatit suut pineqarnersut: https://skat.dk/erhverv/moms/moms-ved-handel-med-udlandet/moms-ved-handel-med-virksomheder/faa-moms-betalt-i-udlandet-tilbage

Akileraartarnermut Aqutsisoqarfik paasissutissiivoq momsip utertinnissaanut qinnuteqaateqarnissamut malittarisassat tulliuttut qanoq maleruarneqarsinnaanersut.

Ilitsersuutit: Qanoq moms-imik utertitsissummik qinnuteqarsinnaavit?

Log på TastSelv Erhverv med MitID eller TastSelv-kode 

Moms toqqaruk

Tassani toqqaruk „Momsrefusion“ (moms betalt i andre lande)

Nutaamik qinnuteqaat tooruk ( Opret ny ansøgning )

Suliffeqarfik pillugu paasissutissat ataaniittut immersukkit (Indtast stamdata)

Qinnuteqaammi paasissutissat immersukkit (Opret ansøgning)

Pisinerit pillugit paasissutissat immersorsinnaavatit uani "Pisinermut paasissutissat ilannguguk"-mi (Indtast købsoplysninger). Tassani nammineq allattuisinnaavutit imaluunniit filinngorlugit nassiussinnaallugit. Annerusumik ilitsersuutit atuarsinnaavatit ima allassimasoq toorlugu: Sådan vedhæfter du en fil med købsoplysninger

Qinnuteqaatit allattorsimaffiat nassiunniarlugu ima allassimasoq toqqassavat: Ansøgningsoversigt

Eqqaamallugu: 2025-mi momsip utertinneqarnissaanut qinnuteqaatit kingusinnerpaamik septembarip 30-at 2026-mi nassiuttariaqarakku.