11/03/2026
Peter Pars A/S: Ukiuni 60-ini Sulisitsisullu ataatsimut oqariartuuteqarnerat
Ukiut 60-it Peter Pars A/S Sulisitsisullu qanimut suleqatigiissimapput. Tassunga suliffeqarfimmut Sulisitsisunut ilaasor...
DR immikkuullarissumik pisunik tunngavilimmik piviusulersaarusiornernik suliniummi – aamma Kalaallit Nunaanni – peqataasussarsiorpoq.
Danmarkimi DR aamma Mastiff TV pisunik piviusulersaarusiortarnermi nutaami annertuumi peqataasartunik attavissarsiorput. Suliniummi aamma Kalaallit Nunaat ilaavoq – taamaammat Sulisitsisuni ilaasortat attaveqarfissinni peqataanissamut periarfissamilluunniit ingerlatitseqqiinissamik kaammattorpagut. DR aamma Mastiff suliniut pillugu namminneq allapput:
Piviusulersaarusiornernik suliniummut inunnik nunami tamaneersunik, aamma Kalaallit Nunaanneersunik, ujaasivugut – sulianik ingerlatsisunik, piumassutsimik peqataasunik innuttaasunillu, ataatsimoorfimmi unamminartunik naammattuuigaangata tamarmik immikkut sunniuteqarusuttunik.
DR aamma Mastiff TV immikkuullarissunik ilimaginngisanillu pisoqaraangat nammineq misigisaminnik uppernarsaanissamut periareersimasunik peqataasartussanik attavissassiorput.
Immikkuullarissusia tassaavoq tulliani sumi qaqugukkullu pisoqassaneranik ilisimasaqannginnerput, pisoqarpalli piareersimarusuppugut. Nammineq immiussatit atorlugit ilaqutariit sulinerlu ataatsikkut sunnerneqaraangata akisussaaffeqalernermi isummannik, iliuusissatut toqqakkannik akunnattoorfinnillu uagutsinnut avitseqatigiissuleqartarnissat kissaatigaarput. Ulluinnarni inuuneq unittutut ikkaangat tassanngaannaq pisut immikkuullarissut tamanik allanngortitsigaangata.
Piviusulersaarusiortarnermi suliniummut tassunga inunnik Danmarkimeersunik aamma Kalaallit Nunaanneersunik ujaasivugut- sulianik ingerlatsisunik, piumassutsimik peqataasussanik innuttaasunillu ataatsimoorfimmi unamminartunik naammattuuinermi immikkut tamarmik sunniuteqarusuttunik
Sapiissuseqarneq, akisussaaneq ataatsimoornerlu pillugit isummatit avitseqatigiiffigerusukkukkit suliniummilu peqataarusukkuit tusarfigerusuppatsigit.
Suliniut sunaava?
Piareersimasussat tamarmiusut tassaapput inuit 100-t. Peqataasut ilaattut – suna periarfissaanersoq apeqqutaatillugu immikkut pisut nunamut annertuumik pingaaruteqartup siorna, pinerani kingornalu assiliissut atorlugu oqaluttuassaatit.
Tiimini ullunilu pisup ingerlanerani nammineq misigisatit, eqqarsaatitit iliuusissatullu toqqakkatit nammineq filmiliarissavatit – immaqa TV-meersut suliamik ingerlatsisut peqatigalugit.
Filmiliortarnermik misilittagaqartariaqanngilatit. Pisoqartillugu ulluinnarni inuunerit toqqissillutit uppernarsarsinnaaniassagakku workshopeqarnikkut piareersassavatsigit atortunillu tunillutit.
Kikkut qinnuteqarsinnaappat?
Inunnik ulluinnarni inuuneq allanngoraangat assigiinngitsorpassuartigut akisussaaffeqalersartunik ujaasivugut. Tassaasinnaavoq suliffiit akisussaaffeqarnerit aqqutigalugit allanillu isumassuisarnikut najukkanni peqataalluartuunikkut imaluunniit pisariaqarfiani inunnik katersuutsitsisinnaanikkut. Immikkut sulianik ingerlatsisunit najukkami piumassutsimik peqataasunut.
18-it sinnerlugit ukioqassaatit ilinnullu pingaaruteqartunik pisoqaraangat piviusulersaarusiortarnermi suliniummi tassani peqataanissamut piumassuseqassaatit.
Kinaanerit aamma sooq peqataarusunnerlutit naatsumik oqaluttuarikkit maililu uunga nassiullugu:
Sulisitsisut soqutiginnissinnaasut peqataalluaqquaat!
