19/03/2026
Suliffeqarfinnut MitID Erhvervimik atuisunut ilisimatitsissut pingaartoq
Kalaallit Nunaanni peqatigiiffiit 20. maaji 2025 sioqqullugu MitID Erhvervimut atassuserneqarsimasut, MitID Erhvervip e-...
Ukiuni qulikkaani kalaalllit suliffeqarfiutaasa illersornissaqarfiit sullitariuartarsimavaat. Uani pineqarput danskit aammalu amerikkarmiut illersornissaqarfii, tassanilumi aamma NATO-mi suleqataasut pineqarput, taakkuuppummi issittumi sungiusarlutik ingerlatsisartut. Tamanna pitsaasumik immikkuullarilluinnartumillu sunniuteqarsimavoq aammalu Kalaallit Nunaata aningaasaqarneranut tapertaalluarsimalluni.
DALO Industry Days, tassaavoq danskit illersornissaqarfiata assigiinnitsutigut saqqummersitsinera, tassani illersornissaqarfimmut sullissisut illersornissaqarfillu imminnut susassareqatigiiffinni assigiinngitsutigut naapisinneqartarput. Aammaarluta ukioq manna Sulisitsisut tamanna peqataaffigissavaat, tamannalu ingerlanneqassaaq Kalaallit suliffeqarfii assigiinngitsut peqatigalugit. Taakkualu suliffeqarfiit illersornissaqarfik, taakkununngalu atortorissaarutinik sanaartortuusut suleqatigineqassapput. Nunatsinniit sulllissisut assersuuteqassagaanni makkuupput, Air Greenland, Tusass, Arctic Law Greenland, Inuuva aammalu Permagreen.
Suleqatigisartakkagut peqatigalugit, DI (Dansk Industri), ulluni pingasuni kalaallit suliffeqarfiutaani periarfissat aammalu pikkoriffiusinnaasut ukkatarissavagut. Piviusormi unaammat, issittumi nakkutilliineq aningaasaliiffigineqassaaq aammalumi nunatsinni illersorneqarfik, aningaasaliinissat annertussusaat annertussusilerneqarsimapput, 42 milliard koruuninik.
Illersornissaqarfimmi ingerlataqarnerit nunatta aningaasaqarneranut pingaaruteqartutut inisseratarsinnaapput – soorlu Guam-mimi aamma Hawaii-mi taamak inissisimasoqartoq. Illersornissaqarfiup Kalaallit Nunaanni suliaqartarneri pingaaruteqartutut isigisariaqarpagut, tamannami kalaallit suliffeqarfiutaannik qanimut suleqateqarnikkut Kalaallit Nunaata aningaasaqarneranut annertuumik tapertaalluarsinnaammata. Illersornissaq uatsinnut tunngassuteqarpoq, illersuiinnarnanili sutigut tamatigut nalitsorsaasutut inissisimavoq.
Illersornissaqarfiup, kunngeqarfiup illersornerani, suleqatiginninnermigut inuussutissarsiuteqartut peqatigerusuppai. Taamaattumik aningaasanik nuussuinerinnaanngilaq, tassami annertuumik peqatiserinnipput, akisussaafeqartitseqataarusullutik suleqatiserinnillutillu. Tamanna aamma kalaallit nunaannut atuuppoq – Kalaallit Nunaannimi suliassanik naammassinnissinnaagutta, akisussaaffimmik aamma tiguseqataasussaavugut.
Immitsinnut eqqaassanngikkutta, kikkut Kalaallit Nunaannik illersuilluarsinnaappat? Taamaattumik Sulisitsisut isumalluarlutik taamak annertuumik suliaqalernissaq politikkikkullu ukkatarinninnissaq tikilluaqquaat, tassani aamma suliaqarnissani kalaallit inuiaqatigiit peqataatinneqarnissaat pingaartinneqarpoq. Taamaattumik ulluni pingasuni taamak illersornissaqarfimmut tunngassutilinnik pikialaartitsinissaq imminut akilerluartussaasutut isigineqarluni.
