Qaammammi matumani suliffeqarfitsialak: Café KûnguaK

Café KûnguaK piaarinaatsoornerinnarmi pinngorpoq. Kaffinik sikatsitsivimmik pilersitsinissaq siullertut sinnattuugaluarpoq, kisianni najukkami inuussutissarsiornermut pisortap inimik atorneqanngitsumik innersuussimmat sumiiffik anginerusumut tulluartuusimavoq. Massakkut Café KûnguaK  Kalaallit Nunaanni caféni, nerisarfinni misigisanilu tunniusimallutik ingerlalluartut ilagilluinnalersimavaat, espressoliuut ataatsimiit aamma softiceliuut ataatsimiit maanna sumiiffinnut sisamanut, Qaqortumi bussit, takornarianut takusassiorneq, umiarsuarni takornariartaatini ilaasunut nerisassanik misileraatitsinerit, Sisimiuni vandrehjem unnuisarfik Qaqortumilu aalajangersimasumik hoteliliornissamut sinnattoqarnerit.

Café Kûnguamut immikkuullaritsitsisoq tassaavoq nunarsuarmi sumiiffiit allat pitsaassutsimik aamma teknologi atorlugu periarfissaqarneq assigalugit Kalaallit Nunaanni periarfissaqartitsinissamut anguniagaqartuuneq. Café imminut sullinnermut iPad-inik atuineq namminerlu app-eqarneq maanna 4.000-nit aaneqarsimasoq aallaavigalugu digitalimik sullissineq sullitanut immikkuullarissuuvoq. Periuseq taanna Kalaallit Nunaanni kaffisorniartarfiit qanoq issinnaaneranut naatsorsuutinik nikisitsisuuvoq.

Nerisassat allattorfimaffiini nerisassat Café Kûnguap ilisarnaatigilluagaat ipput: smash burgerit punnermut siatanik iffiugartallit, taavalu kalaallit pissarititaanik atuisarnerit. Tuut umimmallu burgerini atorneqartuuvoq, Qaqortumilu umiarsuarni takornariartaatini ilaasunutt kalaallit nerisassaataanik misileraatitsisarput. Nerisassiassat toqqaannartumik piniartunit aalisartunillu pisiarineqartarput, taamaasilluni nutaajullutik, uppernassuseqarlutik aammalu toqqaannartumik nerisassanik tunisisunut attaveqarnermik nassataqartarpoq.

Najukkami atuutsitsineq itisuumik pisarpoq.  Martin Kalaallit Nunaanneersuuvoq suliffeqarfimmillu najukkami inuiaqatigiinnut qanittumik pilersitsivoq. Café Kûnguup najukkami tuniniaasut assassorissutsimillu suliaqartut suleqatigisarai, sapinngisamik najukkamit sulisut sulisoriniartarpai kiisalu najukkami takornarialerinermik suliaqartut ataatsimut misigisassarsiortitsinissanik pilersitsinissamut qanimut suleqateqartuulluni. Najukkami atuutsitsineq taamaattoq suliffeqarfiup alliartorneranut aammalu illoqarfiup ineriartorneranut ataqatigiisitsisuuvoq.

Kalaallit Nunaanni neriniartarfinnut tunngatillugu suliassaqarfik aamma ilungersunartorsiorfiusarpoq. Maskiinanik aserfallatsaaliineq, tunisassiat tikinniartarneri sivisooq aammalu sulisussaaleqineq utikattumik atuuttartoq ulluinnarni ingerlatsinermi pilersaarusiornermik, naammagittarnermik eqaatsumillu periuseqarsinnaanermik pisariaqartitsiviusarpoq. Tassa taakku pissutsit Café Kûnguup ingerlaarfigissallugit ilikkarsimasai, aammalu ingerlatsinermut uteriissusermik pilersitsiviusoq tunngavigalugit suliffeqarfik massakkut ingerlavoq.

Anguniakkat siumorsuaq toraagaaffiupput. Café KûnguaK alliartussaaq aammalu nerisaqarnermut, unnuinermut misigisassarsiornermullu annertuumik ingerlatsisuulissalluni. Mittarfiit allineqarneri malitsigisaani takornariaqarneq annertusaataassaqaaq, Café Kûnguarlu isumaqarpoq tamanna najukkami suliffeqarfinnut pingaarluinnartuusoq mittarfiup nassataanut ineriartortitseqataassallutik. Nammineq suliffeqarfimmik inerisaanissaq taamaallaat anguniagaanngilaq, taamaallaat alliartorneq najukkami atuutsinneqassasoq.

Allanut Kalaallit Nunaanni suliffeqarfimmik aallarnissaanissamut sinnattoqartunut Martinip siunnersuutai tunngasuullutillu unneqqarissuupput. Aallaqqaataaniilli pikkorissumik naatsorsuuserisoqarit. Isumassarsiat pitsaasuuppat suulluunniit aqqusaarnissaannut piumassuseqarit, iluatsitsilluarnermi ilungersunartorfiusinnaalluartarpoq assullu uteriiffiusariaqarluni. Isumassarsiavit allanut suliffeqarfimmik ingerlatsinermik iluatsitsilluarsimasunut oqaluttuarinissaannut annilaangasassanngilatit, annikitsunik aallarniigit aallaqqaataaniit tamaasa misileraatiginagit. Suliffeqarfimmit ataatsimik initalimmik aallartissimasumit Kalaallit Nunaanni soqutiginartumik kiffartuussineq tunngavigalugu ingerlatsisumit taama siunnersuisoqarpoq.