11/03/2026
Peter Pars A/S: Ukiuni 60-ini Sulisitsisullu ataatsimut oqariartuuteqarnerat
Ukiut 60-it Peter Pars A/S Sulisitsisullu qanimut suleqatigiissimapput. Tassunga suliffeqarfimmut Sulisitsisunut ilaasor...
Maajip arfernani 2026-mi inuusuttut suliffeqarfiit pillugit Katuami Nuummiittumi ataatsimeersuarneranni, Sulisitsisut inuusuttut 400-nik amerlanerusut katersortippaat. Ataatsimersuarneq pingajussaanik ingerlanneqartoq ersarissumik oqariartuuteqarpoq: Inuusuttut peqataatinnagit - inuussuttut sammisinnaanngilagut.
Issittup nunarsuarmi pingaaruteqarneruleriartornerani inuusuttuuneq qanoq ittuunersoq sammineqarpoq qulequtaq “The Future is Greenland – Youth in the Arctic Decade” atorlugu. Nunani tamalaani soqutiginninnerup annertusiartornera, nunap immikkoortuinut politikki, isumannaallisaaneq inuussutissarsiornermilu periarfissat nutaat ullormi oqaloqatigiinnermut, isumassarsisitsisarnermut oqallinnermullu tunngaviupput.
Future of Greenlandimi inuusuttut inuussutissarsiortut, politikerit soqutigisaqaqatigiillu allat naapippaat. Saqqummiinerit oqaloqatigiinnerillu aqqutigalugit inuusuttut ilinniartitaanermut, suliffeqarnermut, ineriartornermut Kalaallit Nunaatalu nunarsuarmi inissisimaffianut isiginnittaatsiminnik avitseqatigiissinnaapput. Ulloq kingulleq Future Greenlandip inuussutissarsiortunut ataatsimeersuarnissaanut maajip 19-20-ani 2026-mi pisussamut inuusuttut ersarissumik oqariartuuteqarput.
Ataatsimeersuarnermi erseqqissarneqarpoq Kalaallit Nunaata siunissaa ataatsimoorluta pilersissagipput, inuusuttullu siunissami sulisorineqartuinnaassanngitsut taamaattorli nunap inuussutissarsiorneranik inuiaqatigiinnillu pilersitseqataassasut.
Inuusuttut nipaat
Ullup ingerlanerani Katuaq-mi erseqqissunik oqaasertalersuisoqarlunilu assiliartalersuisoqarpoq Kalaallit Nunaata siunissaa pillugu neriuutit, ernumassutit kiisalu anguniakkat pillugit, aammalu inuusuttuusut inuussutissarsiornermi inuiaqatigiinnilu kissaataat sammineqarlutik.
Ullormi tamanut saqqummiunneqartut pingaarnerit ilagaat akisussaaffimmik tigusineq. Tamanna inuussutissarsiornermut tunngavoq, inuusuttunut periarfissanik pilersitsinissamut akisussaaffimmik tigusisussaasumut, kiisalu inuusuttunut nammineq akisussaaffimmik tigusillutik periarfissarpassuit pilersinneqartut atorluartariaqaraat anguniartariaqaraallu.
Kiisalu ataatsimoorneq ulloq naallugu arlaleriarluni immikkut eqqaaneqarpoq – Kalaallit Nunaata siunissaa kinguaariit, inuussutissarsiutit kiisalu politikkikkut assigiinngissutsit akimorlugit suleqatigiinnermik tunngaveqartariaqartoq.
Inuusuttut oqariartuutaat katersorneqarput ingerlateqqinneqassallutillu Future Greenland inuussutissarsiornermik ataatsimiisuarneranut, ulloq 19.-20. maj 2026 ingerlanneqartussamut. Oqariartuut ersarippoq: siunissami aalajangiinerit kinguaariit tulliuttut pillugit pinnani, kisianni taakku peqatigalugit aalajangiiffigineqartassasut.
Assit kusanartut kiisalu ulloq misigisaqarfiusoq pillugu titartakkat takukkit!
