25/06/2026
Allannguutaasumik pisoqalerpat uppernarsaasioqataarusuppit?
DR immikkuullarissumik pisunik tunngavilimmik piviusulersaarusiornernik suliniummi – aamma Kalaallit Nunaanni – peqataas...
Kalaallit Nunaanni Savalimmiunilu teknikkikkut siunnersortit Atlantikup Avannaani suleqatigiinnerup nukittorsarneqarnissaa kissaatigaat.
Oktoberip 5-ani nunanit taakkunannga marlunnit siunnersortit Tórshavnimi naapipput, imminnut ilisarisimalluarnerulernissaq suleqatigiinnissamullu periarfissanik oqallisiginninnissaq siunertaralugu. Ataatsimiinnermi misilittakkanik avitseqatigiinneq, unammilligassat ataatsimoorussat kiisalu suleqatigiinnissamut periarfissat oqaluuserineqarput.
Ataatsimiinnermi ilaatigut soqutigisat ataatsimoorussat uku eqqartorneqarput: illuliornermut malittarisassat nutaat, DGNB, siunnersortitut suliassanik suliariumannittussarsiuussisarneq, oqartussaasunit suliarinnittarneq kiisalu suliassani annertunerusuni suleqatigiinnissamut periarfissat.
Ataatsimiinneq Atlantikup Avannaani suleqatigiinnerup nukittorsarneqarnissaanut suliniutit ilaattut ingerlanneqarpoq. Suliniutit taakku ilaatigut Kalaallit Nunaanni Sulisitsisut aamma Vinnuhúsið akornanni qanittukkut atsiorneqartumit suleqatigiinnissamik isumaqatigiissummit aallaaveqarput.
Kalaallit Nunaanni Savalimmiunilu siunnersortit brancheudvalgii suleqatigiinnerulernissamut periarfissaqarluarneranik isumaqarput. Siunertarineqarpoq attaveqaqatigiinnerup nukittorsarnissaa, ilisimasanik misilittakkanillu avitseqatigiittarnissaq kiisalu siunissami Kalaallit Nunaanni Savalimmiunilu suleqatigiinnernik aalajangersimasunik ineriartortitsinissaq.
