CPR-normunut paasissutissat allanut anngussimasut – immikkut mianersoritsi

Danmarkimi oqartussaasut nalunaarutigaat, CPR-normunut paasissutissat inunnit susassaqanngitsunit pissarsiarineqarsimasut. Tamanna peqquserluttoqarsinnaaneranik, kinaassutsimik atornerluisoqarsinnaaneranik kiisalu inuit allaasaarlutik saaffiginnittarsinnaanerannik aarlerinaateqarnerulersitsivoq.

Kalaallit Nunaanni suliffeqarfiit amerlasuut Danmarkimi CPR-normoqartunik sullitaqarput, sulisoqarput imaluunniit suleqateqarput.

Taamaattumik Sulisitsisut suliffeqarfinnut kaammattuutigaat, inunnut paasissutissanut tunngasunik, sullitat paasissutissartaannik allannguinissamik imaluunniit paasissutissanik mianernartunik allanik pineqartillugit saaffiginnissutinik tigusaqartarnerminni immikkut mianersornissaannik.

Suliffeqarfiit kaammattorneqarput kinaassutsimik uppernarsaasarnermut periutsitik misissussagaat, sulisullu attuumassuteqartut maanna aarlerinaataasinnaasunik ilisimatissagaat.

Sikker Digitalip suliffeqarfinnut siunnersuutit katersorsimavai, innuttaasut sullitallu saaffiginnikkaangata kinaassusiisa qanoq isumannaatsumik

uppernarsarneqarsinnaanerannut tunngasut:

👉 https://www.sikkerdigital.dk/virksomhed/uvedkommende-har-faaet-adgang-til-borgeres-cpr-oplysninger-saadan-kan-du-verificere-borgere-der-tager-kontakt-til-jer

Qarasaasiatigut isumannaallisaanermut siunnersuutit amerlanerusut uani atuakkit: www.sikkerdigital.dk.