12/10/2026
Qaammammi matumani suliffeqarfik: Nukissiorfiit – Kalaallit Nunaata ulluinnaani nukik
Ullaakkut makikkaangatta naatsorsuutigisarparput inip qaamaneqarnissaa, kuutsitsivimmi imeqarnissaa illullu kissarnissaa...
2026-mi juulip aallaqqaataani Akiliuteqarluni aallaaniarneq aalisarnerlu pillugit Namminersornerullutik Oqartussat nalunaarutaat atuutilerpoq. Takornarianut akiliuteqarluni aalisarneq tassaavoq inunnut Kalaallit Nunaanni aalajangersimasumik najugaqanngitsunut tamanut akiliuteqarnikkut aalisakkanik killilersugaanngitsunik aalisarsinnaaneq.
Malittarisassat ilisimalluarneqarput: Aalisarniarnermi takornarianut aalisarsinnaanermut allagartamik atuuttumik peqartariaqarpoq, aalisarsinnaanermut allagartaq inuttut pigisassaavoq, takujumaneqartillugu takutissinnaasariaqarpoq. Suliffeqarfiit aalisariartitsinermik neqerooruteqartarpat angallatasi eqqaasissavasi namminneerlutik atuuttumik aalisarsinnaanermut allagartaqassammata.
Nutaarsiassaq tassaavoq nittartagaq nutaaq, turistfisketegn.gl. Tassuuna ullormut ataatsimut, sapaatip akunneranut imaluunniit qaammammut atuuttumik MitID-mik atuiffiunngitsumik aalisarnissamut allagartartaarsinnaapput. Takornarialerisut aamma atuisunngorsinnaapput sullitaminnullu namminneq aalisarsinnaanermut allagartasisarsinnaassallutik.
Akii taamaaginnarput.
👉Aalisarsinnaanermut allagartaq ugguuna pisiariuk: https://turistfisketegn.gl
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut uunga saaffiginnittoqarsinnaavoq: apn@nanoq.gl
