14/10/2026
Blue Water: ”Unammilligassavut immikkuullarisuunngitsut paasivarput”
Blue Water 2000-kkunni Kalaallit Nunaanni Sulisitsisunut ilaasortanngorpoq. Ullumikkut Senior Manager Søren Hansenip ila...
Arcitic Import Sulisitsisuni 1990-ikkunniilli ilaasortaavoq. Pisortaanermut Thomas Hjort-imut ilaasortaanermi pineqarpoq pingaartumik attaveqaateqarneq, politikkimik paasinninneq inuussutissarsiortunillu allanik ataatsimooqateqarneq – Kalaallit Nunaanni nunalllut killeqarfiata avataani.
Atlatikup Avannaani niuerfimmi attaveqaateqareq minnerunngitsumillu kulturimik paasinninnissaq niuernerullu inissinnissaa pingaaruteqarput. Pingaartumik Atlantikup Avannaani amerlasuunngorlugit tuniniaasartuni B2B-eqarnermi siuttuugaanni
Thomas Hjort Arctic Import-imi 2017-imi pisortaaninngorami taamaammat suliffeqarfik Sulisitsisuni ilaasortaaginnassanersoq isumaliuteqarnerata ilaani pingaaruteqarpoq.
Taamaapporlu, minnerunngitsumik katuffiup Kalaallit Nunaanni attaveqaateqalernissamik ikiuummut taamaappoq.
”Kalaallit Nunaanni niuernermik ingerlatsinermi attaveqarneq tunngaviusorujussuuvoq. Inuit ilissarisimanissaat tatigeqatigiinnissarlu pingaartuupput, tassanilu Sulisitsisut attaveqaateqalernermi annertuumik ikiuunnikuupput” suliffeqarfil Kalaallit Nunaanni, Savalimmiuni aamma Islandimi pisisartunik sullississappat Thomas Hjort oqarpoq.
Nammineq Danmarkimi sulivoq, akuttunngitsumillu Kalaallit Nunaannut angalasarpoq. Tassani ilaatigut Future Greenland inuussutissarsiortunik allanik aalajangiisartunillu naapitsinissaanut pingaartuuvoq.
”Future Greenland Kalaallit Nunaanni ingerlanneqartartoq annertuujuvoq, suliarlu taanna suliffeqarfimmit ataasiinnarmit ingerlanneqarsinnaanngilaq. Kisianni Sulisitsissut ataatsimoorluta kivitsigatta taamatut ingerlatsisinnaapput”, oqarpoq.
Kalaallit Nunaata avataanni attaveqarfiit
Kisiannili Kalaallit Nunaat kisimi pingaartuunngilaq. Taamaammat Sulisitsisut ilaatigut Toronto-mi PDAC Convention-imi, nunat tamat akornanni aatsitassanik misissuineq aatsitassarsiornerlu pillugit ataatsimut aallartitat angalanerannik aaqqissuisarput.
Arctic Import aatsitassarsiortunut siunissami pilersuisoorusuppoq. Taamaammat ataatsimeersuarnermi aalajangiisartut arlalippassuit katersuuffigisartagaanni peqataanissaq Thomas Hjort-imut pingaartuuvoq.
” PDAC-imi aatsitassarsiortunut siunissami pilersuissagutta inunnut attaveqaateqalernissarput pingaartuuvoq”, oqarpoq.
Angalanerit peqatigitillugu Sulisitsisut Kalaallit Nunaanni suliffeqarfiit Kalaallit Nunaata avataani qanoq ataatsimoorlutik saqqummersinnaanerannik ikiuussinnaanerannut assersuutissaapput, Thomas Hjort isumaqarpoq.
“Ataatsimoorluta angalagaangatta nukittunerusarput.”
Pisunik malinnaaneq
Arctic Import ilaasortaanermi politikkikkut oqallisigineqartunik inuussutissarsiortunut pingaaruteqartunik aamma ilisimasalertarpoq.
_Sulisitsisut Thomas Hjort malillugu pisunik malinnaapput, ilaatigullu politikkimi inuussutissarsiorneq pillugu qanoq qanoq pisoqarnersoq Arctic Import-ip siulersuisuinut ilisimasaqalersitsisarluni. Taamaaliornikkut oqallisigineqartunik taakkununnga pingaaruteqartunik ilisimasaqalersitsisoqartarpoq.
Thomas Hjort aamma inuussutissarsiutit immikkoortuannut pisiniarfiit amerlasuunngorlugulu tuniniaasartut ataatsimiititaliami ilasortaavoq. Tassani sulianik inuussutissarsiutit immikkoortuannut kalluisunik tusarniaanermi akissutinik annertuumik suliaqartarpoq.
”Kalaallit Nunaanni suliffeqarfimmik ingerlatsinermi suli arlalinnik unamminartoqarpoq. Misigisarali tassaavoq Sulisitsisut ajornartorsiutit iliuuseqarfigilluartaraat, imaluunniit iliuuseqarfiginiarsarisarlugit”, oqarpoq.
Ataatsimut oqariartuuteqartarneq
Suliaq politikerinut, oqartussanut tusagassiuutinulluunniit ingerlateqqinneqassagaangat, Thomas Hjort malillugu oqariartuutip suliffeqarfimmit ataasiinnarmit oqariartuutigineqannginnera sunniuteqartorujussuusarpoq.
Sulisitsisut tassani inuussutissarsiutit immikkoortuat sinnerlugu suliamik ingerlatitsisinnaavoq, suliffeqarfiullu isumaa politikkikkut annertunerusumik pingaarnerulersissinnaallugu.
”Suliffeqarfiup ataasiinnaap isummaminik saqqummiinissaa ajornartorujussuusinnaavoq. Sulisitsisut inuussutissarsiutit immikkoortuat tamaat sinnerlugu suliaq ingerlassinnaavaat, taamaalilluta ataatsimoorluta oqariartuuteqartarluta. Tamanna sunniuteqarnerusarpoq oqariartuullu kimeqarnerusarluni”, oqarpoq.
Attaveqarfeqarnerup, politikkimik paasisaqarnerup ataatsimullu oqariartuuteqartarnerup ataatsimoortinnerat Arctic Import-ip ilaasortaanerani naleqartorujussuuvoq.
”Sulisitsisut suliffeqarfiit ataatsimut oqariartuuteqalersillugit amerlasuunik pitsaasunik suliniuteqartarput. Tamanna Kalaallit Nunaanni aamma Kalaallit Nunaata avataani nukittunerulersitsisarpoq. Suliaqartarnerat tunngaviusumik iluarisimaartorujussuuara.” Thomas Hjort naggasiivoq.
