Sulisitsisut siulersuisuinik allannguineq

Sulisitsisut ilisimatitsissutigaat, siulersuit siulittaasuat Krissie Berthelsen Winberg siulersuisunit nammineq piumassutsimigut tunuartoq. Aalajangernera nammineq suliffeqarfiutimini suliaqarnerulernermik siulersuisunilu siulittaasup pisariaqartumik aallussinissaanik salliutitsinissaanillu kissaateqarnermik tunngaveqarpoq.

Siulersuisut malittarisassat naapertorlugit Jens Peter Pars siulersuisuni siulittaasuugallartussatut isumaqatigiillutik toqqarpaat. Siulersuisut Krissie Berthelsen Winberg kattuffimmi suliai pillugit qutsavigaat.

Siulersuisuni siulittaasuugallartoq oqarpoq:
"Krissie Sulisitsisuni suliaqarnermini kattuffiup suliaanik ineriartornissaanillu pimoorussilluni sulivoq. Krissie ilaatigut Naalakkersuisunut angusaqarniarluni kinguneqartussamik oqaloqateqartarnermut tapersiisarpoq. Annertuumik suliaqarneranik siulersuisut kattuffillu sinnerlugit qutsavigerusuppara. Siunissami sunik tamanik pitsaasunik kissaapparput."

Krissie Berthelsen Winberg kattuffiup inuussutissarsiutit immikkoortuanut akunnittarfiit neriniartarfiillu ataatsimiititaliaani sulinini ingerlateqqissavaa.

Kattuffik Sulisitsisut ilaasortami sullinnerini aamma Kalaallit Nunaanni inuussutissarsiornerup ineriartortinneqarnissanut sulinini allanngornagu sulissaaq.

Apeqqutissaqaruit Helle Binzer-imut ugguuna: info@arcticcollaboration.com saaffiginnissinnaavutit.