Kalaallit Nunaanni inuussutissarsiornermik ineriartortitseqataarusuppit?
Inuussutissarsiorneq ineriartorluarpoq, taamaattumillu Sulisitsisut inatsisilerituunik misilittagaqarluartunik tunniusimasunillu marlunnik inuussutissarsiornermi qitiusumik suliaqartunut qanimut suleqataasinnaasunik inuiaqatigiillu nukittuut unammillersinnaanerusullu ineriartortinneqarneranni peqataasinnaasunik ujaasipput.
Atorfiit pillugit
Inatsisilerituutut suliassatit siammasissuupput, ilaatigut inatsisitigut siunnersuinermut, ilinniartitsinermut allattoqarfimmilu sullissinermut tunngassuteqarlutik. Pingaarnertut uku suliassarissavatit:
- Sulisitsisut Peqatigiiffiannut ilaasortat inatsisitigut siunnersorneqartarnerat, ingammik ukunani:
- Sanaartornermut inatsisit
- Atorfeqarnermut aammalu sulinermut inatsisit
- Piujuaannartitsineq aammalu ESG
- Immikkoortortaqarfimmi ataatsimiititaliamut allatsitut kiffartorneq, ilaatigut ataatsimiinnernik piareersaaneq, allattuineq aalajangiinernillu malinnaasarneq
- Apeqqutit soqutiginartut pillugit tusarniaanerni akissutinut, misissueqqissaarnernut, allakkianut politikkimullu tunngasunik allattuinernut ilanngussat
- Sulisitsisut kattuffiata suliffeqarfiutai, immikkoortortaqarfiit, peqatigiiffiit suleqatigisallu avataaneersut suleqatigiinneri.
- Immikkut ilisimasallit suliniutaannut assigiinngitsunut peqataaneq
- Soqutigisaqaqatigiinneq aalajangiisunillu ataatsimeeqateqarneq
- Pikkorissarnerni Sulisitsisunilu ilinniaqqiffiusuni pikkorissaaneq
- GE sinnerlugu siunnersuisoqatigiinni, ataatsimiititaliani aammalu aqutsisoqarfinni inissisimanissaq
Illit kinaassutsit
Inatsisilerutuut marluk ujakkagut:
- Inatsisitigut kandidatitut ilinniagaqarsimaneq (cand.jur. imaluunniit assingusumik)
- Sanaartornermik ingerlatsiviup iluani inatsisitigut misilittagaqarneq, tassunga ilanngullugit neqeroortitsinermut, sanaartornermut isumaqatigiissutinut (entrepriseret) imaluunniit oqartussaaffiit ingerlatsinerannut attuumassuteqartunut misilittagaqarneq
- Piujuartitsinermik suliaqarnermi misilittagaqarluarneq pitsaassaaq.
- Atorfeqarnermut inatsisit pillugit ilisimasaqarneq aammalu suliffeqarfiit inatsisitigut siunnersornissaannut misilittagaqarneq
- Inatsisitigut imarisat paasiuminartumik saqqummiussinnaassavai, allattariarsornikkut aamma oqalunnikkut
- Ilinniartitsisutut aammalu ingerlatitseqqiisartutut atuuffimmi iluarisimaarinnittoq
- Nammineq aaqqissuulluagaasumik sulisinnaasoq suliffeqarfinnillu suleqatinillu qanimut suleqateqarsinnaalluni
- Qallunaatut tuluttut kalaallisullu oqalussinnaaneq
Neqeroorutigaarput
- Suliffeqarnerup silarsuaani aalajangiisartunut qanimut suleqataanermik suliffik pissanganartoq assigiinngitsorpassuarnillu suliaqarfiusoq
- Kalaallit Nunaanni inuussutissarsiornerup ineriartortinneqarneranut sunniuteqarluarsinnaaneq
- Suliffimmi tunniusimaffiusumi nammineersinnaassuseqarfiusumilu
- Suliffimmi inuttullu ineriartornissamut periarfissaqarluarneq
- Suliffik unammillernartoq
Atorfik allattoqarfimmi pisortamut atassuteqarpoq, inatsisilerituullu inatsisilerittunik, siunnersortanik allaffimmiunillu sulisunut ilinniarsimasunut ilaavoq. GE qulingiluanik sulisoqarpoq, taakkualu tamarmik Nuummi allaffimmi atorfiup ingerlanneqarfiani ulluinnarni ingerlatsinermut peqataasarput.
Qinnuteqarneq
Qinnuteqaatit, CV-t ilanngutassiallu pisariaqartut kingusinnerpaamik 20. januar 2026 uunga nassiutikkit: dan@ga.gl.
Atorfiit pillugit apeqqutissaqaruit allattoqarfimmi pisortaq Dan Sivertsen +299 36 37 24 imaluunniit dan@ga.gl saaffigisinnaavat.
