04/02/2025
Imerpalasut puukuinik utertitsisarneq: Avatangiisinut Ministerip Magnus Heunickep akissutaa iluarisimaarnartoq
Kalaallit Nunaanni imerpalasut puukuinik aaqqissuussinermi allanngortitsisoqarmalli, kalaallit suliffeqarfiutaasa imerpa...
Ilinniarnertuunngorniarfimmi 1. aamma 2. g-mi atuartut qulingiluat Nordøst – Nordatlantens unge ambassadører-ip ingerlanneqarneranut atatillugu ulluni pingasuni oqalugiartarnermut tunngatillugu Sulisitsisuni ilinniartinneqarput.
Workshoppimi ilinniartut oqalugiallaqqissuunermik ineriartortitsisimapput, sapiissuseqarnerulersimallutik tamanullu ammasumik oqaloqatigiinnermut peqataanissamut sakkussaqalersimallutik. Inuusuttut oqalugiartut ilaatigut oqaatsit kulturillu akornanni kinaassutsimik, naligiissitaanermik, kinguaassiuutitigut atoqatigiinnermik kiisalu inuusuttut inuiaqatigiinni akisussaaffiinik sammisaqartarsimapput.
Nordrøst Arctic Actionimit Oqalugiarnermik Ilinniarfik Røst suleqatigalugu ineriartortinneqarsimavoq, pingajussaanillu Nuummi GU-mi ingerlanneqarluni. Ilinniartitsisut oqalugiartartut misilittagaqarluarput, peqataasullu namminneq oqaluttuarisinnaasaminnik isiginnittaatsiminnillu itisiliinissamut periarfissaqarput.
Sulisitsisut ilinniartitsinissamut atortussanik workshoppimillu aaqqissuussinermut tapiissuteqarput. Suliniut Østifternemit aamma tapiiffigineqarpoq, siornatigullu Kalaallit Nunaanni, Islandimi Savalimmiunilu ingerlanneqartarsimavoq, tassani inuusuttut Danmarkimi oqalugiarnernut annerusunut peqataasarsimapput.
