07/10/2025
Qaammammi matumani suliffeqarfitsialak: Sannassisoq ApS
Sannassisoq ApS 1985-imili Kalaallit Nunaanni sanaartornerup iluani malunnaateqarsimasaqaaq. Suliffeqarfik inummit ataat...
Kalaallit Nunaanni imerpalasut puukuinik aaqqissuussinermi allanngortitsisoqarmalli, kalaallit suliffeqarfiutaasa imerpalasut puukuinik qallunaat utertitsinermi akiliutaannut unammillernartoqartitsipput, Danmarkimut akiligassat utertinneqarsinnaanngitsut akilerneqartarput.
Sulisitsisut Danmarkimi Avatangiisinut ministerimut Magnus Heunickemut qinnuteqarsimapput, Danmarkimi akiligassanik akiliisitsisarneq atorunnaarsinneqarnissaa pillugu, taamaalillutik suliffeqarfiit Danmarkimut assartuinermi akiligassanik akiliisariaqannginniassammata.
Avatangiisinut ministeri Magnus Heunicke januaarip 30-ani isumalluarnartumik oqariartuuteqarpoq, isumaqarporlu kalaallit atuisut qallunaat akiligassaannik utertissinnaanngisaminnik akiliisariaqarnerat tulluartuunngitsoq. Taamaattumik danskit akiligassaat atorunnaarsinniarlugu ministeriaqarfimmi aaqqiissutissarsiorpoq. Sulisitsisut oqaloqatigiinneq ingerlatiinnarpaat.
Suliamut atatillugu apeqqutissaqaruit siunnersortimut Karsten Lyberth-Klausenimut uunga allassinnaavutit: Klausen@ga.gl
