05/08/2025
Siulersuisuni siulittaasup Krissie Winbergip aasaanerani inuulluaqqussutai
Sulisitsisut Peqatigiiffianni siulersuisuni siulittaasoq Krissie Winberg ilaasortatsinnut aasaanerani inuulluaqqusivoq.
...
Septembarip qaammataani peqqutissaqarluarluta SoMe v/Inaluk qaammatip suliffeqarfiatut saqqummiutissavarput. Inaluup suliaqarnermini Kalaallit Nunaanni suliffeqarfiit digitalimi kissaatigisartik malillugu nittarsaanneqarnissaannut periarfissiivoq.
Ukiorpassuarni niuernerup iluani suliaqareerluni nammineq suliffeqarfiuteqalerluni aallartippoq. Nittarsaassinerup, atuisunik kiffartuussinerup inuillu attaveqaataanni milittagaqarluarnini atorlugu Kalaallit Nunaanni suliffeqarfiit branding digitalimillu nittarsaanneqarnissamut tapersersuerusussutsini iluatsippaa.
Suliffeqarfiup suliffeqarfiit pisariaqartitaat aallaavigalugit nittartakkatigut nittarsaassineq, branding aammalu inuit attaveqaataannik ingerlatsineq suliarisarpai. Inaluup sullitani qanimut suleqatigisarpai, aaqqiissutillu suliffeqarfiup suussusaanut naleqquttuunissaat pingaartitaralugu.
Inaluup periutsimini oqaatsit kulturillu pingaartitarai. Kalaallisut attaveqarnissani pingaartittarpai, tamannami suliffeqarfimmut sullinniakkamullu toqqissisimatitsillunilu ilisarnartuummat. Inaluup malugisarsimavaa sullitami iluarisarai sullinniakkatik oqaatsit oqaloriaaserlu nalinginnaasoq atorlugu naapinneqartarneri.
Inaluk ullumikkut assigiinngitsunik suliaqarpoq, amernut atisanullu tunngasuniit sanasunut assartuisartunullu - nutaanillu sullitaqalernerit tamaasa ilinniagassat isumassarsiallu nutaat takkuttarput.
Siunissamut takorluugai? Digitalimik nittarsaassineq pillugu Kalaallit Nunaanni workshopertitsinerit pikkorissaanerillu neqeroorutigisinnaasami amerlinissai.
