09/07/2025
Qaammatip suliffeqarfia: VR Travel
VR Travel – Vejle Rejseritut aamma ilisimaneqartoq – ukiut 50-it sinnerlugit Kalaallit Nunaanni nunarsuullu sinneraniitt...
Qaammammi matumani suliffeqarfitsialak – Esme Lounge: Nuup qeqqani Imaq akullersuarsunnitsut
Nuup qeqqani, Café Esmeraldap tunuani, Esme Lounge nassaassaavoq - neriniartarfik Kalaallit Nunaanni sorlalik kisiannili imaq akullersuarsunnilluni. Piffissami erloqinartorsiorfiusumi neriniartarfik anguniagalittut, nuannersutut mamartuutilittut naapittarfinngorpoq.
Esme Loungemut isumassarsiaq cononap ajornartoortitsinerata nalaani takkuppoq, taamani isersinnaasut killeqarput, taamaattumik Esmeralda allatut eqqarsartariaqalersimavoq. Neriniartarfiup tunuaniittut init loungetut misilittaarfissatullu suliarineqarsimapput. Takorluugarlu ilusinipallappoq. Ullumikkut lounge annertuumik aaqqissuunneqarsimavoq 55-illu missaannik isersimasoqarsinnaalluni. Ilusaa qanilaarpasittuuvoq, taamaakkaluartoq qilaamut suli portuvoq nerisassallu mamarluinnarlutik.
Nerisassat Spaniami, Italiami Grækenlandimilu nerisassiarineqartartut isumassarsiorfigalugit igaajupput, taamaakkaluartoq kalaallit nerisassaat qitiullutik. Aalisakkat qaleruallillu maani pisaapput taamaakkaluartoq naatitat, citronip, olivenoliet akuutissallu tikisitaapput. Nerisassat mamassusaat ataqatigiinnerulersinniarlugit nammineq sanaanit dipiuteqarlutalu miseraateqartarpugut, coctailiutigullu tamarmik pincetit, akussat suleriaatsillu sananeqartarput - suliatsinnilu tamani oqimaaqatigiinnissaa annertussusissaalu ukkatarineqartarlutik.
Esme Loungemi pitsaassuseq silaannaalu pilliutigineqanngisaannarput: “Nerisassat mamaraluarlutik sullinneqarneq pitsaanngippat, misigisaq soqutaajunnaassaaq,” piginnittoq aallartitsisorlu oqarpoq. Perusuersartarfinnut, silaannaanut kiffartuussinernullu tamanut atapput, sulisut tamatigut qaffasissumik sullissisinnaanissaminnut ilinniartinneqartarput.
Piujuartitsisoq anguniagaannaanani ingerlatsinermut ataannarpoq. Uuliamik kissaanernit puussanut aammalu inuussutissat atorneqartut tamarmik eqqarsaatigeqqissaagaapput. Ullumikkut ungasianit kiassarneq aallaavigalugu kiassartoqarpoq, grønsagit affai økologiskiupput, neqit, manniit qaqortuliallu økologiskinik taarsersorneqarnikuupput. Nerisassanik eqqaanissaq, sulisunik sullissineq, inuiaqatigiinnut utertitsineq - ingammik meeqqat inuusuttullu eqqarsaatigalugit ukkatarineqarput.
Nerisassat nutaat ingerlaavartumillu ineriartorneq suli ingerlavoq, uanili pigisatta pitsanngorsarnissaat annertusarnissaannit pineqarnerusarpoq.
Nunat tamalaani akornanni nerisassat isumassarsiorfigalugit neriniartarfimmik sumiiffimmut naleqqussakkamik peqarnermut Esme Lounge maligassaavoq.
