Paasissutissiilluni ataatsimiinneq: Kalaallit Nunaanni suliffeqarfiit Sakkutuut Imarsiortut umiarsuaannik aserfallatsaaliuinermi periarfissaat

Suliffeqarfiit Illersornissaqarfiup Atortussanik Pisiniartarnermullu Aqutsisoqarfianut (FMI) suliassanik isumaginninnissamik soqutiginnippat?

Sulisitsisut suliffeqarfiit soqutiginnittut Illersornissaqarfiup Atortussanik Pisiniartarnermullu Aqutsisoqarfia (FMI) peqatigalugu internetikkut paasissutissiilluni ataatsimiinnermut qaaqquaat.

FMI-p Kalaallit Nunaanni suliffeqarfiit Sakkutuut Imarsiortut umiarsuaannik aserfallatsaaliuinermik sullissinermillu piginnaasaqartut pillugit ilisimasaqarnerulernissani kissaatigaa.

Ataatsimiinnermi FMI-p makku pillugit paasissutissiissaaq:

• Suliassat suut naatsorsuutigineqarsinnaanersut
• Suliffeqarfinnut suliassanik isumaginnittussanut piumasaqaatit
• Suliffeqarfiit qanoq nalunaarsorneqarsinnaanersut, siunissamilu suliassanut qanoq periarfissaqarsinnaanersut
• Suleqatigiinneq isumaqatigiissutillu qanoq ingerlanneqartarnersut

Ataatsimiinneq pingaartumik suliffeqarfinnut makkuninnga suliaqartunut attuumassuteqarpoq:

• Innaallagisserisunut
• Nillataartitsivinnik teknikikkut suliaqartunut
• Hydraulik
• Ruujorilerisunut kiisalu blikkinik suliaqartunut
• Aqqartartutut suliaqartunut
• Saviminilerinermik svejserinermillu suliaqartunut
• Qassutinik kilisaatinut atorneqartunut mersortartunut
• Motoorinik umiarsuillu ingerlatitsissutaanik suliaqartunut
• Maskiinanik saviminilerinermillu suliaqarneq

Suliassat tassaapput Sakkutuut Imarsiortut umiarsuaasa Kalaallit Nunaanniinneranni aserfallatsaaliuinermut sullissinermullu tunngasut annikinnerusut.

Piffissaq sumiiffissarlu

📅 Ataasinngorneq 19. oktober 2026

🕙 Nal. 10.00–11.30 (Kalaallit Nunaanni nalunaaqutaq malillugu)

💻 Teams aqqutigalugu internetikkut

Ataatsimiinneq FMI suleqatigalugu ingerlanneqassaaq, taakkunanngalu imarsiornermut immikkoortortaqarfimmit kiisalu inuussutissarsiornermut allaffimmit sinniisut peqataassapput.

Peqataanissamut nalunaarneq:

Suliffeqarfiit peqataarusuttut uunga allallutik nalunaarsinnaapput: jesper@ga.gl

Nalunaarfissaq kingulleq: Sisamanngorneq 15. oktober nal. 16.00.