INUUSSUTISSARSIUTITIGUT INERIARTORTITSINEQ AAMMALU MITTARFIK NUTAAQ QAQORTOQ

Sulisitsisut, GrønlandsBANKEN aammalu Kalaallit Airports 24. oktober Kujataani inuussutissarsiortunik qaaqqusisimapput tassanilu unnuk nuannersumik aammalu oqalliffiulluartumik ingerlanneqarpoq inuussutissarsiornikkut ineriartorneq pillugu. 50-it sinnerlugit takkuttunit apeqqutigineqarpoq; Angallannikkut aaqqissuussaanerit nutaat inuussutissarsiortunut sunik periarfissanik pilersitsissappat inuussutissarsiutaareersunut imaluunniit nutaanut?

Illoqarfiit allat assigalugit GE’p pulaarsimavaai una qulequtaralugu “Global Greenland” soqutiginnittullu aammalu isumassarsiat ikinngeqaat Kujataani. GE’p ilaatigut suleqatigivaat GrønlandsBANKEN inuiaqatigiit peqqissumik aammalu piujuaannartitsinermik aallaavilimmik ineriartortut, tassalu inuussutissarsiortut nukittuut, tamatumallu siunertaq tapersersorluarpaat.

Isumasioqatigiinnermi pingaarluinnartoq tassaalluni inerisaaneq kittaartumik pissasoq, nammineq pisut siuttuuffigissagutsigit aammalu uagut nammineq suut tikeraat takussaneraat aqussallugit. Taamaattumillu nammineerluta akisussaaffeqarpugut aammalu sunniuteqarsin-naalluta siunissamut aammalu periarfissaat suut piujumaarnersut angallannikkut periarfissat nutaanut.

2023-mi Global Greenland tikissimavaat Ilulissat, Aasiaat, Sisimiut, Maniitsoq, Nuuk aammalu Qaqortoq. Suliniut taanna GrønlandsBANKEN-ip Inuussutissarsiutitigut aningaasaateqarfianit aningaasalerneqarpoq.