27/03/2023
SULISITSISUT ULLOQ 28-29-ini april 2023-imi HOTEL HANS EGEDE-mi AALLARTITAT ATAATSIMIINNISSAANNUT QAQQUSSUTAA
Aallartitat ataatsimiinnissaanni 28-29 april 2023-imi programmiMatumuuna nalunaarutigineqassaaq, Sulisitsisut ulloq ...
Qanittukkut kalaallit ataqatigiinnermut aaqqissuussinerat allanngussaaq nutaanik mittarfittaarpat aamma timmisartuussisarnermut aaqqissuussinerat allanngorpata ullumikkut nalunngisatsitut. Allannguutit nunatsinni inuussutissarsiutinik inerisaanissamut periarfissanik nutaanik nassataqassasoq naatsorsuutigineqarpoq. Periarfissanik pilersitanik atorluaanissaq anguneqassappat aamma nunap ilaani suliassaqarnissaq qulakkiissagaanni, taava siammasissumik inuussutissarsiutinik ineriartortitsineq illoqarfinni taakkunani pingasuinnarniissanngilaq mittarfinnik pilersitsiviusuni.
Taammaattumik Sulisitsisut GrønlandsBANK-inilu suleqaqatigiillutik ilaatigut Kalaallit Airports-i suleqatigalugu suleqatigiinnik pilersitsissaaq, inuussutissarsiutinik suliaqartut sinerissami assigiinngitsuneersut katersorlugit tassanilu siunertarineqarpoq periarfissanik isumassarsiornissaq, sumiiffinni aningaasarsiornikkut ineriartortitsinissaq anguniarlugu.
20. april Hotel Sisimiuni suleqatigiissitat sulisinneqassapput, tassani inuussutissarsiornermik ingerlatsisut nukittuujupput aamma ilaatigut pitsaasumik takornariartitsisartut pillugit aamma ineriartortitsineq. Ukiut tamaasa Sisimiut eqqaa takornariarpassuarnik ussagartitsisarpoq, soorlu ilaatigut silami misigisassat immikkut illuinnartut misigisaqarfiginiarlugit. Eqqaani amerlasuunik neqeroorutissaqarpoq aasakkut ukiuuneranilu. Sulisitsisut sinnerlugit siunnersorti Bent Sørensen ilaatinneqassaaq.
Taassuma saniatigut pisortaq Christian Keldsen-ip illoqarfik tikeraassavaa Sulisitsisut peqatigiiffiat aamma suliffeqarfiit ilaasortaasut ataatsimeeqatiginiarlugit piffissami 18-19-ni april.
”Sisimiut tikeraassallugit nuannertuaannarpoq, tassanimi illoqarfik annertuumik namminersorfiulluarpoq illoqarfimmi inuussutissarsiorluartunik ingerlatsisoqarpoq aamma peqatigiiffik pitsaasuuvoq. Taamaattumik qilanaartorujussuuvunga aamma ilaasortagut illoqarfimmiittut naapissagakkit annertunerusumik tusarniarlugit summiiffimmi inuussutissarsiornermik ingerlataqartut suut suliarineraat kiisalu nuna tamakkerlugu suut suliarinerivut oqaluttuariniarlugit,” taama oqaaseqarpoq Christian Keldsen.
Annertunerusumik paasisaqarusukkut, pisortaq Christian Keldsen attavigiuuk, ck@ga.gl
