11/05/2023
QAAMMATIP SULIFFEQARFIA – Travel By Heart
Travel By Heart, angalatitsiviuvoq kalaallimit uummateqarluartumit pigineqartoq.Allat qanoq iliortarneri isumassarsior...
August 2023
QAAMMAMMI SULIFFEQARFIK – Nanu Travel
Allat qanoq iliortarneri isumassarsiorfigineqarsinnaajunaannarput. Taamaattumik Sulisitsisunit qaammatit tamaasa suliffeqarfimmik sumiiffigisaminut piujuaannartitsinerup, naligiissitaanerup, assigiinngisitaarnerup, ilinniartitaanerup, aallarnisaanerup allatigulluunniit angusaqarluarnikkut sunniuteqarsimasut saqqummiunneqartassapput
Ittoqqortoormiini takornariaqarnerulersinniarlugu Nanu Travel 1988-imi aallarnerneqarpoq, taamani Nonni Travelip ataaniilluni Helene Dejakimiillu pigineqarluni.
Sujliffeqarfik Nanu Travel maanna pisortamit Mette Pike Barselajsenimit ingerlanneqarpoq.
Aallarteqqaarneraniit maannamut ingerlasimaneq ilinniarfiulluarlunilu qaangerniagassaqarsimavoq, tamannalu takornariaqarnermik suliaqarnermi pinngortoorneqarsinnaanngingajattoq, pisortaq Mette Pike Barselajsen oqaluttuarpoq.
Angalatitseqatigiiffiup angorusuttuaannarsimavaa inuit nunaqarfimmik takunninnissaat innuttaasullu nutaanik periarfissinnissaat angerlarsimaffimminnillu allanut takutitsinermik nuannarinnillutik.
Ukiut ingerlaneranni takornarissat amerliartortillugit nunaqarfiup qanoq ineriartortinneqarnissaanut soqutiginarnerulernissaanullu innuttaasut siunnersuutinik isumassarsianillu tunniussinissamut periarfissaqalersimapput.
Innuttaasut nunaqarfimminni susoqarneranut taamaalillutik sunniuteqarsinnaalerput.
Innuttaasut suleqatigalugit sikumik aserorterutit ukiuni kingullerni atortalersimavaat taakku takornarissanik tikisitsisarlutik.
Suliffeqarfimmut aalajangiisuulluinnarpoq innuttaasut nunaqarfimmi takornarissat pillugit aalajangiinernut tunniusimallutillu peqataatinneqarnissaat.
Umiarsuaq siulleq maajimi tikippoq juunimilu marluk tikillutik, innuttaasullu akornanni nuannaarneq malugineqarluarsinnaavoq, umiarsuaq tikikkaangat aamma pulaarsinnaasarlutik.
Umiarsuaq ilutigitillugu nioqqutissanik najugaqartunut soorunami iluaqutaasunik nassartarpoq.
Mittarfiit nutaat piareerpata takornarissat Ittoqqortoormiinut siunissami ajornannginnerusumik tikissinnaalernissaat neriuutigaat.
Siunissamut takorluugaq suli tassaavoq takornarissanik Ittoqqortoormiinut tikittunik pitsaanermik sullissineq puigunngisaannagassaannillu misigisaqartitsineq.
Nanu Travelip siunissami malinnaaviginissaa qilanaaraarput.
