

Septembar ip 10-anni nunarsuarmi imminut toquttarnermik pinaveersaartitsinermut WHO-p ullorititaa malunnartinniarlugu Nuummi Katuami ataatsimeersuartitsinermut «Ataatsimoorluta atugarliorneq pinaveersaartissavarput!» qaaqqusisinnaanerput nuannaarutigaarput. Katuap inersuaa ulikkaarsimavoq. Suliffeqarfiit, oqartussat soqutigisaqaqatigiiffiillu oqaloqatigiipput, Kalaallit Nunaanni tarnikkut atugarliorneq imminut toquttarnerlu pinaveersaartinniarlugit inuiaqatigiinni susassaqarfiit assigiinngitsut qanoq suleqatigiisinnaanersut, tamattalu immikkut qanoq peqataasinnaanersugut pillugit.
Naalakkersuisut Qamani-mi anguniagaraat innuttaasut tamarmik, meeqqat, inuusuttut, inersimasut utoqqaallu, imminut toqunnissamik eqqarsaateqaleraangamik erngerlutik ikiorneqartarnissaat, eqqarsaatiminnillu kisimiitinneqannginnissaat. Anguniagaq angussagutsigu tamatta akisussaaffeqarpugut. Immitsinnut maluginiartariaqarpugut, atugarliornermut takussutissat takusinnaaniassagatsigit, oqallisigiuminaatsullu ammasumik eqqartornissaannut allanullu saaffiginninnissamut sapiissuseqartariaqarpugut.
«Suleqat Pisinnaasoq»-mut peqataagaanni oqallisigiuminaatsunik ammasumik oqaloqateqarnissamut, atugarliortumut saaffiginninnissamut ikiorneqarnissaanullu aqqutissiuussinissamut sakkussanik pissarsisoqassaaq. Sakkussat suliffimmi sunngiffimmilu atorneqarsinnaapput, soorlu timikkut ajoqusertoqartillugu ikiueqqaarneq atorneqarsinnaasoq. Peqataaneq akeqanngilaq, ukiuuneranili pikkorissaanissamut piffissamik immikkoortitsisoqassaaq.
Ukioq manna sakkussat misileraalluni suliniummi atorpavut, kalaallillu ileqqui kulturiat tunngavigalugit naleqqussarlugit. Maanna Kalaallit Nunaat tamakkerlugu suliffeqarfiit ilaasortavut qaaqqunissaannut piareerpugut. Immikkoortoq tulleq 2027-mi oktobarimit 2028-mi marsimut ingerlanneqassaaq. Sakkussat ilinniartitsinerlu kalaallisuussapput.
Suliffeqarfiutivit akisussaaffimmik tigusinissaanut peqataassava?
kontakt@supi.gl-imut allagit. Oqaloqatigiinnissamut pisussaaffiliinngitsumut attavigissavatsigit.
Paasisaqarnerugit www.Supi.gl-imi.