19/01/2026
USA-mi pissutsit pillugit paasissutissiineq, sulisunut attaveqarneq upalungaarsimanerlu
Sulisitsisut pisortaat Christian Keldsen marlunngornermi januaarip 20-ani nal. 14-16 USA-mut tunngatillugu pissutsit inu...
Illersornissaqarfik ukiuni aggersuni Kalaallit Nunaanni annertuunik suliaqartussaavoq, tamannalu nunatsinni suliffeqarfinnut ilaatigut sanaartornermik, assartuinermik, kiffartuussinermik, pilersuinermik kiisalu siunnersuinermik suliaqartunut nutaanik periarfissiisinnaavoq.
👉 Taamaattumik pingaaruteqarpoq Kalaallit Nunaanni Illersornissaqarfiup siunissami suliassai pillugit inuussutissarsiornermut ataatsimeersuarnissamut peqataanissarsi. Ataatsimeersuarneq 3. decembari 2026, nal. 8.15–17.00, Nuummi Hotel Hans Egedemi ingerlanneqassaaq.
Tassani suliniutit aggersut pillugit ilisimasaqarnerulissaasi, susassaqartunut toqqaannartumik apeqquteqarsinnaassallusi, minnerunngitsumillu siunissami suleqatigisinnaasassinnik attaveqaqatigiinnissamut periarfissaqassallusi.
✅ Ulloq 3. decembari ullorsiutisinnut allareeruk!
✅ Aalajangiisartunik pingaarutilinnillu suliaqartunik naapitsigit
✅ Siunissami periarfissat pillugit ilisimasaqarnerulerit
✅ Suliffeqarfiit siunissami suliassanut piareersaruk
Aningaasaliissutit aggersut aningaasaqarnikkut siuariartornermut, suliffissaqartitsinermut kiisalu nunatsinni inuussutissarsiornikkut periarfissanut iluaqutaalernissaannut Kalaallit Nunaat nukittuumik inissisimasariaqarpoq.
Ullumikkut nalunaaritsi, aammalu allagaq una attaveqarfigisassinni suliffeqarfinnut allanut ingerlateqqeqqullugu kaammattorpatsigit.
Nalunaarfissaq kingulleq tassaavoq 26. novembari 2026, ugguuna nalunaarsinnaavusi:Illersornissaqarfik Kalaallit Nunaanni – Kalaallit Nunaanni suliffeqarfinnut inuussutissarsiornermut ataatsimeersuarneq
