EMJ-Atcon Greenland 2013-imi pilersinneqarpoq EMJ 1992-imi pilersinneqarsimasoq aammalu ATCON 1970-ikkut aallartinneraniilli sorlaqartoq akuleriisillugit pilersitaq. Matumunnga tunngaviusimavoq sanaartorfinni suliakkerneqartartuni entreprenørit kalaaliusuni pioreersuni misilittakkanik piginnaasanillu ataatsimoortitsinissamik kissaateqarneq, taamaasiornikkut sumiiffinni sanaartornikkut nukittunerusumik siammasinnerusumillu ingerlatsisunik pilersitsisoqarluni. Tamatuma kingunerivaa suliffeqarfik sorlaqarluartoq, siammasissunik suliaqarfiusoq aammalu ersarissumik kinaassuseqartoq inuit, pitsaassuseq aammalu najukkani atuutsitsineq tunngavigalugit suleriuseqartoq.
Suliniutini aqutsineq namminerlu pilersitsinerit agguataarfigalugit inuit 70-it sulipput, taamaasilluni EMJ-Atcon betoninut, sanaartornermut, qalipaanernut kiisalu qarmaanernut siammasissumik suliassaqarfinnik ilisimasaqartuuvoq. Ulluinnarni suliffeqarfiup suliaqarfigai inissialiornerit, unnuisarfiliornerit, inuussutissarsiorfinnik sanaartornerit, unnuisarfiliornerit, umiarsualiviliornerit, nutarsaanerit sullissinerillu tamakkiisumik aamma pingaarnertut suliarisarpai. Anguniagaq ersarissuuvoq: silaannaap pissusaanut isumannaatsuunissamullu qaffasinnerpaamik pitsaassuseqartunik sanaartornissaq, "inunnit tulluusimaartunit, qiimasunit inerisaanissamullu nukissalinnit sanaartukkat."
Oqaasinnaaq "Pitsaassuseq inunnit sanaartugaasoq" nittartakkami oqaasiinnaanngillat. Sulinermi eqqarsartaasiuvoq, inunnit suliamik ingerlatsisunit sanaartornermi pitsaassusermut pingaartitsisut. Taamaammat sulisut akornanni atugarissaarneq, suliatigut ineriartorneq, ersarissunik isumannaassusermut periutsit pingaarnersiorneqarput, taavalu inuiaqatigiinnut, avatanngiisinut suleqatinullu ataatsimut akisussaaffiliisoqarluni. Pitsaassuseq inunnit sanaartugaasoq, tassa taanna tunngaviusumik eqqarsartaaseralugu sanaartorfinni sulineq ingerlanneqartarpoq.
Suliat ilaat EMJ-Atconip immikkut ittumik tulluusimaarutigisaa tassaavoq ISERIT A/S-imut siullermik inissiat 48-t sanaartorsimammagit kingornalu 148-t sanaartorsimallugit. Inissiat tamarmik DGNB-mik nalunaarsugaareerput nalunaarsugassaallutillu, qaffasissumik pitsaassuseqarput attartortunit iluarineqaqisumik. Inissiat 48-t suliarineri kingorna suliniut avatangiisinut nersornaasigaavoq inissiat ussinnerat silaannarinnerallu pissutigalugit, taamaasillutik inissiat nukimmik atuivallaaratik attartortunut aningaasartuutit annikinnerummata. Tamanna assersuutitsialaavoq sooq pitsaasumik sanaartorneq piujuartitsitsinerlu ingerlaaqatigiikkaangata qanoq kinguneqartarnersoq.
Kalaallit Nunaannili sanaartornermi ilungersunarsinnaasut avaqqunneqarsinnaanngillat. Silaannaap pissusaa allanngoriartorpoq nittaallat sialuillu annertunerulerlutik, ukioq kiannerusoq anorlernerulerlunilu, tamannalu pilersaarusiornermut suliaqarnissamullu nutaanik piumasaqaatitaqarfiupput. Piffiit sanaartorfiusut ukiumiit ukiumut allanngorartarput, assartuinermut akit qaffakkiartorput, sanaartortitsisartullu pitsaanerpaamik akikinnerpaamillu sanaartortoqarnissaanik naatsorsuuteqarlutik. Aammattaaq sanaartukkanut atortunullu annertunerusumik pappiliatigut piumasaqaateqartoqalerluni. Suliani ingerlaavartoq tassaavoq aamma sanasut suliniutinilu aqutsisut kinguaariinni nukarliusut attanniarneri, taakku suliffimmi suliffiullu avataani inuunerminnut tunngatillugu annertunerusumik naligiissaakkamik piumasaqaraluttuinnarmata.
Kalaallit ileqquusumik sanaartornerat aammalu suliassaqarfiup ineriartornerani naapiffimmi EMJ-Atconip kinaassusaa ersarissuuvoq. Ukiorpassuarni atasussanik tulluusimaarluni sanaartornermut pitsaassusermillu tunisinermut tunngavoq, tamatumalu saniatigut suliffeqarfiulluni inuit atugarissaarfigisaat ineriartorfigisaallu. Tassa tassani Pitsaassuseq inunnit sanaartugaasoq oqaasinnaaniit pingaarnerulersartoq.
