15/05/2025
’𝗠𝗲𝗲𝘁 𝗮𝗻𝗱 𝗚𝗿𝗲𝗲𝘁’ -𝗶𝗺𝘂𝘁 𝗾𝗮𝗮𝗾𝗾𝘂𝘀𝗶𝘀𝘀𝘂𝘁
Utoqqarmiut Kangerluarsunnguanni imermik innaallagissiorfiup allilerneqarnissaanut entreprenørit suliffissui neqeroorute...
Sannassisoq ApS 1985-imili Kalaallit Nunaanni sanaartornerup iluani malunnaateqarsimasaqaaq. Suliffeqarfik inummit ataatsimit ingerlanneqarluni aallartippoq, taamani qisuit atorlugit sanaartorneq isiginiarneqarnerusimavoq, tamatumali kingorna sanaartornermi suliassat assigiinngitsut isiginiarneqalersimallutik, soorlu qaartiterinerit, betonilerinerit, qisuit atorlugit sananeq pequsiornerlu.
Suliffeqarfiup piginnittai 2023-mi Qeqertarsuarmut, aallartiffigisimasaminut uteqqissimapput. Sannassisorli Ilulissani ukiut 14-it sinnerlugit malunnaateqangaatsiarsimavoq, illoqarfinnilu marluusuni suliassat assigiinngitsorpassuit suliarisimallugit.
Suliffeqarfik Qeqertarsuarni ilaatigut inissialiornermi, pisiniarfiliornermi, timersortarfiliornerni, erngup kuuffiinik suliaqarnerni, meeqqeriviliornerni, nukissiorfiliornermi, atuarfiliornermi Arktisk Stationimilu nutarterinermi suleqataasimavoq. Ilulissani ilaatigut inissiat 24-t, atuartut angerlarsimaffiat, atuareernerup kingorna ornittagaq, pisiniarfiit arsaattarfillu suliarisimavai.
Ilulissani suliat annerpaartaasa ilagisimavaat eqqartuussivimmik nutaamik sananeq, tassanilu Sannassisup toqqavissaq 12 meterisut ititigisoq 8.600 m3-imik kuillugu suliarisimavaa. Suliarisimasaatigut suliffeqarfiup teknikkitigut sannassinerullu iluani piginnaaneri takuneqarsinnaapput.
Naak coronap ajornartoortitsinera sulisussaqarniarnerlu ajornartorsiutaasimagaluartut 2018-imit 2023-mut suliffeqarfiup suliai annertusiartorsimapput. Ullumikkullu suliffeqarfiup pingaarnertut pisortanit suliassat - suliarisartakkat 90 %-iisa missaanniittut - kommunimi naalagaaffimmilu pisortaqarfiit peqatigalugit suliarineqartarput.
Sulinermut piujuartitsineq ilaaginnarpoq. Qeqertarsuarmi nunamik suliaqarnermi atortut taakaniittut atorneqartarput, aammalu avatangiisit isumannaallisaanerlu pillugit inatsisit atuuttut malillugit sulisoqartarluni.
Ukiut 63-it sinnerlugit misilittagaqareerlutik, suliffeqarfiup anguniarpaa suli ukiut 10-15 sulisunik 10-15-inik sulisoqarlutik ingerlaannassallutik, taamaattumik Sannassisoq ApS sanaartornerup iluani sumiiffinnut naleqqussarnernut, piginnaasaqarnermut akisussaassuseqarnermullu takussutissaavoq.
