31/01/2023
QAAMMAMMI SULIFFIK
Isummersorneqarneq ilikkarnarlunilu suliffeqarfimmit tusassallugu pitsaanerusoqanngilaq, ´qanoq allat iliortarnersut.´ A...
Juli 2023
QAAMMATIP SULIFFEQARFIA – Hotel Aurora, ilaqutariit pigisaat
Nuummi Entreprenørdalip nalaani ingerlaarninni illumik immikkuullarissumik takunikuusimassaatit.
Illoq qaamasoq, qalipaataa allanngorartoq – arsarnernit isumassarsiarineqarsimasoq. Immikkuullarinnerusinnaanngilaq. Illoq taanna tassaavoq Hotel Aurora, ilaqutariinnit pigineqartoq.
Periarfissanik takunnissinnaaneq iliuuseqarsinnaanerlu tunngavigalugit aallarnisaasuuneq pillugu oqaluttuaq.
Allat qanoq iliortarneri isumassarsiorfigineqarsinnaajunaannarput. Taamaattumik Sulisitsisunit qaammatit tamaasa suliffeqarfimmik sumiiffigisaminut piujuaannartitsinerup, naligiissitaanerup, assigiinngisitaarnerup, ilinniartitaanerup, aallarnisaanerup allatigulluunniit angusaqarluarnikkut sunniuteqarsimasut saqqummiunneqartassapput
Nuliariit Hotel Auroramik piginnittut, aallarteqqaaramik Greenland Escape suleqatigalugu hosteliaraateqarsimapput tallimanik initalimmik. Kalaallit Nunaanni siulliit ilaanniillutik booking.com-imik atuilersimapput, ukiumi siullermi atuisut nunanit 32-neersuusimapput, nuliariinnullu misigisaq kajumissuseqalersitsisimalluni.
Hotel Aurorap inissisimaffigisaani quiuteqarsimapput. Kommunimit oqariartuutaasimavoq Entreprenørdali sanaartortunut inissisimaffiuinnarani, inissiaqalerlunilu inuussutissarsiortut inissisimaffigilissagaat. Taannalu tunngavigalugu nuliariit kajumissuseqalerlutillu isumassarsisimapput Hotel Aurora pilersinniarlugu.
Naqqanit aallartinniartilluni suarsuit tamarmik inissilluarneqartariaqarput. Akunnittarfiup isikkussaata ilusissaatalu pilersaarusiorsimanera kusanarluinnartoq nuliariit oqaluttuarileraangamikku nuannaartaqaat. Nuliariit Greenland Escape qanimut suleqatigeqqissaarlugu sulisimapput, taakkuami assigiinngitsunik soorlu attaveqaatinik, immininniissutinik akiliissutinillu suliaqarsimapput.
Sanaartortoqarnerata nalaani piginnittup Klausip ataqatigiissaarineq peqataaffigisimavaa, taamaattumik ullut tamaasa arfinernut sanaartorfimmiittarsimavoq.
Aasaq siulleq siallersimanermik pissangatitsisimaqaaq, taamaakkaluartoq angusartik tulluusimaarutigeqaat.
Nunarsuaq tamakkerlugu tunillaassuuttoqarnerata nalaani suliffeqarfik aallartinneqarsimavoq, nutaajoriaramillu pissutsinut nalimmassarsinnaassuseqarsimaqaat, periarfissanillu nutaanik ujartuisimanertik peqqutigulu nukarsuaq tamakkerlugu tunillaassuuttoqarnera qaangerluarsimallugu.
Hotel Aurora ukiuni marlunni ammareersimalerpoq. Takornarissat suliartortullu uteqqiapput, ilaqutariillu akunnittarfiutaat eqqissisimanartoq qanilaarfiusorlu nuannareqaat.
Siunissami akunnittarfiutillit angalasut najugarerusutaannik ingerlatserusupput, periarfissat atorlugit ineriartortitserusupput periarfissaqassappallu init amerlerusullugit.
Hotel Auroramut pingaaruteqartorujussuuvoq takornarissat ukioq naallugu tikittalernissaannik suliniuteqarnissaq, taamaaliornikkummi suliassaqarfiup iluani atorfillit amerliartorsinnaammata.
Hotel Auroramut pingaaruteqartorujussuuvoq takornarissat ukioq naallugu tikittalernissaannik suliniuteqarnissaq, taamaaliornikkummi suliassaqarfiup iluani atorfillit amerliartorsinnaammata.
