GrønlandsBANKEN-ini Sulisitsisullu Kalaallit Airports suleqatigalugu ippassaq suleqatigiissitat aappassaat aallartitissimavaat suleqatigiissitat arlallit akornanni sumiiffinni suliaqartut inuussutissarsiortutut suliaqartut inuussutissarsiutinik inerisaanissaat aamma suleqatigiinnissamik periarfissat pillugit oqaloqatigiinnissaannut periarfissinniarlugit, illoqarfiit pitarlugit, suliaqartut sullissisullu inuussutissarsiutinik ineriartortitsinissaat pilersinniarlugit Nuummi, Ilulissani Qaqortumilu mittarfinnik pilersitsinissap kingunerisaanik.
Ippassaq aaqqissuinermi peqataasut siammasissumik namminersorlutik suliaqartut Maniitsumi ilaapput inuussutissarsiutinik ingerlatsisut ingerlalluartuniit inuusuttunik nutaanik pilersitsisutut suliaqartunut.
Isumassarsianik nutaanik soqutiginnilluartunik avitseqataasoqarpoq peqataasullu tamarmik isumaqatigiipput Maniitsoq annertunerujussuarmik suli periarfissaqartoq ullumikkut atorluarneqanngitsunik.
Isumassarsiat ilaat takkutut annertuumik immikkullu ittumik takornariartitsinerup iluani iliuuseqaartoqarsinnaasoq. Aamma taaneqarpoq, kommuni suleqatigalugu sulisussanik annertunerusumik suliartortitsisoqarsinnaasoq ilaatigut illoqarfik ilaqutariinnut pitsaanerusumik naleqqussarneratigut. Aamma Maniitsoq ataatsimiisitsinernut pisussanullu allanut atornearsinnaalluarpoq illoqarfiup avataani nipaatsumi pinngortitarlu tikillugu.
Peqataasunut qujanarujussuaq nuannersumik peqataasunut piumassuseqarluarlutik qularnatillu pimmata aammalu suliassaqarfiit pitarlugit suleqatigiinnnissaq annertunerusoq ingerlanneqarsinnaasoq anguniarneqarsinnaavoq.
Tulliani suleqatigiittussat Sisimiuni sap.ak. qingusinnerusukkut katersussavagut
