Pennecon, suliffeqarfiuvoq Canadami Newfoundlandimi Labradorimilu qitiusumik allaffeqarfilik, suliffeqarfik Kalaallit Nunaanni siunertaqarluarluni aallartissimavoq. Suliffeqarfik aatsitassiornerup, aalisarnerup, takornariaqarnerup ataavartumillu nukissiuuteqarnerup iluani periarfissanik takunnissimapput. Soqutigisartik aallaavigalugu alloriarneq annertooq tigusimavaat, Qaqortumilu mittarfiliornermi suleqataallutik, taannalu suliffeqarfimmut ineriartuutaangaatsiarsimavoq. Pennecon unammilligassaqaraluarluni sumiiffimmi pissutsinut nalimmassarsimavoq, misilittakkallu aallaavigalugit sumiiffimmi siunissami suliniuteqarniarpoq.
Penneconip sulinermini ilisarnaataat maluginiagassaq tassaavoq sumiiffimmi pilersuisunik suleqateqarnera, taannalu suliniummi suleriaatsinik pitsanngorsaaginnarani aamma sumiiffimmi aningasaqarnermut iluaqutaavoq. Suleqatigiinneq pineqartoq Qaqortumi suliniutigineqartumut pingaaruteqarluinnarpoq Kalaallit Nunaannilu suliffeqarfinnik arlalinnik peqataatitsinerulluni.
Sumiiffimmi suliffeqarfinnik suleqateqarnerup saniatigut Penneconip ilinniartitaaneq sumiiffimmilu sulisinnaasunik ineriartortitsineq pingaartitaraa. Suliffeqarfik suliniutigisaminni sumiiffimmi sulisunik pilersuisunillu peqataatitsivoq, tamannalu sumiiffimmi inuiaqatigiit piginnaasaannut misilittagaannullu assut naleqalersitsivoq. Kevin Moulandip suleqatigiinnerup pitsaaqutai pillugit ima nassuiaavoq: ” Suliniutitsinni Kalaallit Nunaanni sulisartunik peqataatitsineq aallaavigalugu peqataasut sanaartortitsinerni angisuuni pissutsinik alaatsinaassinnaanngorlutillu misilittagaqalersinnaapput.”
Penneconittaaq nunat tamalaat akornanni suliarisartakkatik Kalaallit Nunaanni pissutsinut immikkuullarissunut nalimmassarsimavaat, tassanilu kulturikkut paasinninneq, oqaatsit pillugit aporfiusinnaasunut iliuuseqarneq avatangiisillu pillugit sumiiffinni inatsisinut tunngassuteqartunik suliaqarsinnaaneq ilanngussimavaat. Taakkualu aallaavigalugit suliffeqarfiup ataqqinninneq kulturikkullu assigiinngissutsit ataqatigiinnerat ilisimaaralugu sulinerat takuneqarsinnaavoq.
Penneconip Kalaallit Nunaanni ineriartornermut piujuartitsinermullu pitsaasumik sunniuteqarnissaanut malinnaanissatsinnut qilanaarpugut. Suliffeqarfik suleqataalluarusuppoq, ataqqinnittuuvoq Kalaallit Nunaannilu kulturimut ileqqunullu ataqqinnittuullunilu naleqartitsivoq, minnerunngitsumillu inuiaqatigiinni aningaasaqarnerup isumaginninnerullu iluani ineriartortitseqataalluni.
Penneconip piujuartitsinermut avatangiisinullu illersuiniarnermut periusaanni suleriuseq atugaat takuneqarsinnaavoq. Kalaallit Nunaanni suliniutigineqartut aningaasaqarnikkut ineriartortitsinermuinnaq attuumassuseqannginneri takusinnaavaat, takusinnaallugulu suliniutigineqartut issittumi avatangiisinut immikkuullarissunut mianernartunullu aamma piujuartitsisuusut. Suliffeqarfiup avatangiisinut sunniutit millisarniarlugit piujuartitsinermillu siuarsaaniarlutik teknologiimut periutsinullu aningaasaliisimapput. Avatangiisinut illersuinissamut soqutiginninnerat aallaavigalugu pinngortitamut akisussaassuseqarnerat takuneqarsinnaavoq aammalu Kalaallit Nunaanni siunissaq ungasinnerusoq piujuartitsinermillu tunngaveqartumik ineriartortitsinermut aningaasaliinerat takuneqarsinnaalluni.
Pennecon Kalaallit Nunaanni suliffeqarfittut inissisimalertutut assersuutitut atuinnarnagu, aamma suliffeqarfiit nunat tamalaaneersut sumiiffimmi inuiaqatigiinnut pitsaasumik sunniuteqarsinnaanerannut takussutissaavoq. Suliffeqarfiup Kalaallit Nunaanni suliaqarnerat aallaavigalugu suliffeqarfiup ataavartumik pitsaasumillu sunniuteqarniarnermut anguniagai takuneqarsinnaapput, anguniakkat suliffeqarfimmuinnaq attuumassuteqaratik inuiaqatigiit suliffigineqartoq aamma sullinniarneqarpoq. Sulisitsisunit Kevin Mouland oqaloqatigineqarneranit oqaatigineqarpoq Pennecon Kalaallit Nunaata iluani annertuunik anguniagaqartoq.
“Uagut kissaatigaarput Pennecon suliffeqarfittut canadameersutut Kalaallit Nunaannik tigusilluartutut, Kalaallit Nunaanni kulturimut ataqqinnittutut “sulilluartutullu” ilisimaneqarnissarput”