29/04/2024
Ilaasortat naammagisimaarininnerannut misissuineq
Sulisitsisut Kalaallit Nunaanni suliffeqarfiit 329-t akornanni ilaasortat naammagisimaarinninnerannik misissuisimapput. ...
Akileraaruseriffimmiit nalunaarut
Suliffeqarfiit amigartoorutiminnik ukiunit 5-init pisoqaanerusunik ilanngaateqarniarunik, tamanna ukiumoortumik nammineerluni nalunaarsuinerminnut atatillugu Akileraartarnermut Aqutsisoqarfimmut nalunaarutigisassavaat.
Nittartagarput maanna nutarterneqarmat teknikkikkut ajornartorsiuteqalermat immersugassaq e-mailikkut toqqaannartumik nassiupparput. Taamatut iliuuseqartoqarpoq nalunaarusiornerit tamarmik akornuserneqaqqunagit, aamma pappiaqqat pisariaqartut piaartumik pissarsiarinissaat qulakkeerniarlugu.
Immikkoortumi matumani nalunaarut nr. 155 aamma amigartoorutit ukiut tallimat sinnerlugit qaangiuttoorsimasut nalunaarutiginissaannut immersugassaq ilanngunneqarput.
Nalunaaruteqarneq nammineerluni nalunaarsuinermut atatillugu, periarfissat marluk arlaat atorlugu qarasaasiakkut pissaaq:
1) Suliffeqarfiup nammineerluni nalunaarsuinerminut atatillugu akileraarutissat pillugit naatsorsuutinik nassiussinerani imaluunniit 2) Immersuiffissamik immersuinikkut, takuuk aka.gl.
Amigartoorutinik ilanngaateqarnissamik sivitsuinissaq pillugu siullermeerluni nalunaaruteqarnissamut piffissarititaq tassaavoq, ukiup aningaasarsiorfiusup amigartooruteqarfiusup kingorna ukiut tallimassaanni nammineerluni nalunaarsuinissamut piffissaliussaq. Tassa imaappoq amigartoorutit 2018-imi pinngortut Akileraartarnermut Aqutsisoqarfimmut kingusinnerpaamik nalunaarutigineqassapput ulloq 15. maj 2024 (namminersorlutik inuussutissarsiummik ingerlataqartut) imaluunniit ulloq 15. juni 2024 (selskabit).
Nittartakkatsinni teknikkikkut ajornartorsiutit aaqqinniarlugit ulapputigaarput naatsorsuutigalugulu immersugassaq piaarnerpaamik nittartakkakkut saqqummiunneqarsinnaanngussasoq. Qujanaq paasinnikkassi. Apeqqutissaqarussi ikiugassaassagussiluunniit attaveqaqatigiittarfiit naliginnaasut atorlugit attaveqarfigisinnaavatsigut.
