Sulisitsisuni toqqaannartumik ilaasortanngorit
Taakku saniatigut Sulisitsisut ilaasortat sammisat assigiinngitsut pillugit paasitinneqartarnikkut ilaasortaanertik iluaqutigisinnaavaat. Kalaallit Nunaanni suliffeqarfiit ilaasortaasut aqqutigalugit aammattaarli Sulisitsisut Danmarkimi suleqatai aqqutigalugit tamanna pisarpoq
Sulisitsisut allattoqarfia ilaatigut siunnersortinik arlariiusunik inuttaqarpoq, pineqartunut siunnersuisinnaasut:
- Kalaallit Nunaanni inuussutissarsiornermut aammalu CSR-mut tunngasunik siammasissumik paasissutissiinerit
- Inatsisilerinermut aningaasatigullu ilitseruinerit
- Misissueqqissaarnerit kisitsisilerinernillu misissuinerit
- kursusinut, ataatsimeersuarnernut, suliffeqarfinnut pulaarnernut Kalaallillu nunaanni inuussutissarsiornikkut aallartitaqarnerni peqataatitsinernut aggersaanerit.
- mail aamma ilaasortanut atuagassiaq Aurora aqqutigalugu nutaarsiassat
Sulisitsisunut toqqaannartumik ilaasortanngorniaraanni piumasaqaataavoq Kalaallit Nunaanni inuussutissarsiornerup tungaatigut sulinuteqaqataanissaa. Ilaasortaanermut tunngaviusumik akiliuteqartoqassaaq aammalu sulisut akissarsiaasa katinnerat aallaavigalugu akiliuteqartoqartassalluni.
Ilaasortanngorneq 1000 kr.-ninik akeqarpoq. Kingornagut ukiumoortumik akissarsiarititassatut missingersuutaat naatsorsuutigalugit akiligassiisoqartarpoq. Taanna ukiumoortoq qaammatit sisamakkaarlugit akiligassiissutigineqartassaaq. 2. kvartal 2023,1. kvartal 2025 ilanngullugu akiliutigisartagassat ima isikkoqarput:
Ilaasortaanermut akiliutip kvartalimut appaanut 2023-mut sannaa
| Branchi | Kvartalimut tunngaviusutut akiliut | Akissarsiarititaasut ukiumut 1.000.000 sinnerlugit |
| Sanaartornermik suliaqartoq * | 1.500 | 0,5 % |
| El aamma VVS ** | 1.500 | 0,5 % |
| Aatsitassat Namminersortullu * | 1.500 | 0,5 % |
| Siunnersortit * | 1.500 | 0,5 % |
| Hotel-it, Neriniartarfiit aamma Takornariartitsineq *** | 1.500 | 0,5 % |
| Niuerneq Allaffissornerlu | 1.500 | 0,5 % |
| IT, Attaveqaqatigiinneq Tusagassiuutillu | 1.500 | 0,5 % |
| Sullissineq Angallassinerlu | 1.500 | 0,5 % |
| Aalisarneq avammullu tuniniaanermut suliaqartut | 1.500 | 0,5% |
* Dansk Byggeri-mut ilaasortanngornissaq periarfissaavoq ** Teqnik-mut ilaasortanngornissaq periarfissaavoq *** HORESTA-mut pinngitsoorani ilaasortaassaaq
Akissarsiarititanut missingersuut najoqqutaralugu, ilaasortaanermut akiliut nalilersorneqassaaq kr. 113,5 mill. Annerpaartaaffigalugu 1 januar 2025-ip tungaanut, taassuma kingorna atuisuunermut nalileeriaasaq najoqqutaralugu annertusineqartassaaq.
Sulisitsisuni ilaasortanngorit ataaniittoq immersugassaq immersoriarlugu.