Immikkoortortaqarfiit aamma sineriammi immikkoortortaqarfiit

Immikkoortortaqarfiit ataasiakkaanut iserfissaq quppernerup naqqaniipput

Immikkoortortaqarfinnut malittarisassat naliginnaasut Aajuk

Peqatigiiffiit Sulisitsisut nukittutippaat
Sulisitsisut Kalaallit Nunaanni immikkoortortaqarfinnik ilusilersorsimavoq sumiiffinni arlalinni, Sulisitsisut peqatigiiffiat nukittuujutinniarlugu. Sulisitsisut ingerlanneranut immikkoortortaqarfiit pingaaruteqarput taamatuttaaq Kalaallit Nunaanni sulisitsisunut suliffeqarfinnullu sunniuteqarlutik. Illoqarfik pineqartoq peqatigiiffimmik pilersitsisinnaavoq, illoqarfimmi minnerpaamik tallimanik suliffeqarfinnik ilaasortaqarpat.

Najukkanni immikkoortortaqarfik tassaavoq suliffeqarfiit ataatsimoorussamik aaqqissuussineranut illit atassuteqarfigisartagassat
Sulisitsisunut ilaasortaaguit, illoqarfinni nunap immikkoortuinut aamma ilaasortanngussaatit. Najukkanni Sulisitsisut peqatigiiffiat nunatsinni sulisitsisut soqutigisaannik illersuisuuvoq. Suleqatigiigitsi, Kalaallit Nunaannilu inuussutissarsiornermi siuariartortitseqataagit atugassarititaanillu pitsaanerulersitseqataallutit.

Sulisitsisunut ilaasortaanerup iluaqutissartai amerlaqaat
Immikkoortortaqarfiit siunertaraat sulisitsisut soqutigisaat inuiaqatigiinni illersornissaat. Sulisitsisut peqatigiiffiattut nukittuutut ataqatigiilluarneq, politikkikkut sunniuteqarnissamut periarfissaqarnerusoq minnerunngitsumillu malugineqarsinnaaneq ataatsimoornerullu nukittunera tassaapput soorlu Sulisitsisut iluliarsuup qaavaniittoq. Suliffeqarfik pissutsini aalajangersimasuni ikiorneqarnissamut siunnersuiffigineqarnissamullu periarfissaqarpoq. Nuummi allattoqarfimmi immikkut ilisimasalinnik atorfinitsitsinikkut aamma Danmarkimi kattuffinnik assigiinngitsunik sulisitsisullu peqatigiiffiinik suleqateqarnermigut Sulisitsisut peqatigiiffimmut ilaasortat apeqqutini assigiinngitsorpassuarni siunnersornissaannut ilitsersuinissaannullu annertunerusumik periarfissinneqarput.

Sulisitsisuni isummat tusarneqassaaq nunami immikkoortortaqarfimmi ilaasortaanerit aqqutigalugu
Sulisitsisut tusaaniarneqartarput suliffeqarfinni, najukkanni inuiaqatigiinni sulisitsisullu peqatigiiffiini peqataanikkut. Kalaallit Nunaata siunissaanik pitsaasumik pilersitseqataanissamut ilaaniarit.

Sumiiffimmi immikkoortortaqarfinni siulittaasoq oqaloqatigiuk
Immikkoortortaqarfinni malittarisassat siulittaasunit pissarsiarisinnaavatit imaluunniit Nuummi allattoqarfimmut saaffiginninnikkut pissarsiarisinnaallugit. Siunnersuutigissavarput siunnersorneqarusukkuit imaluunniit apeqqutissaqaruit immikkoortortaqarfimmi siulittaasoq attavigeqqullugu. Taassuma tunuliaqutarai qullersaqarfiit, pisariaqartitsisoqartillugu ikiuinissamut piareersimasut.

Sammisassaqartitsineq
Immikkoortortaqarfinniit immikkoortortaqarfinnut assigiinngitsunik qaffasissusilinnik sammisassaqartitsisoqartarpoq. Ilaasortaaguit kajumissaarpatsigit attavigineqarnissamut paasissutissat nutartertuartassagitit. Immikkoortortaqarfimmit aammali kattuffimmit pingaarnermit assigiinngitsunik paasissutissineqartassaatit. Assersuutigalugu nutaarsiassanik allagarsisarlutillu aaqqissuussanut qaaqqusaasarsinnaavutit.

Peqatigiiffiup malittarisassai
Immikkoortortaqarfinni malittarisassat siulittaasunit pissarsiarisinnaavatit imaluunniit Nuummi allattoqarfimmut saaffiginninnikkut pissarsiarisinnaallugit.

Ataatsimeersuarnerit
Malugiuk peqatigiiffimmi ataatsimeersuarnernut ataatsimiigiaqqusaaneq mail-ikkuinnaq nassiunneqartarmat. Taamaammat attavigineqarnissamut paasissutissat ilaartortarnissaat pingaaruteqarpoq. Peqatigiiffiit siulersuisuniit siulersorneqartarput, taakkualu siulittaasut ataatsimeersuarnermi ukiumoortumi ilaasortat akornanniit qinerneqartarlutik.

Ilungersuussat
Peqatigiiffiit immikkut tamarmik illoqarfigisaminni ilungersuussaqartarput, illoqarfinni aammalu nunap ilaaniittuni assigiinngitsuni, iluarsartuullugit pilersaarusianik assigiinngitsunik amerlasuunik suliniuteqartoqartarnera pissutaalluni. Illit illoqarfigisanni suliniutinik paasisaqarnerorusukkuit, illoqarfigisanni siulittaasoq attavigiuk