14.-15 maj 2024 Future Greenland ingerlanneqassaaq, Kalaallit Nunaanni inuussutissarsiornikkut isumasioqatigiinneq anginerpaaq. Isumasioqatigiinnissap qulequtaraa: Piujuaannartitsineq Kalaallit Nunaanni periarfissat - Sooq, Qanoq aammalu Suna?
Future Greenland 2024 piujuaannartitsineq, suiaassuseq, inuussutissat nunatsinneersut, Power-2-X pineqartillugu periarfissat, eqqumiitsuliorneq kultureqarnerlu inuussutissarsiutigalugu taamatuttaarlu Kalaallit Nunaata nunat tamalaat akornanni niuernermi ikinngutai aammalu oqaluttuarisaanera.
Aammattaaq inuussutissarsiornikkut isumasioqatigiinnissaq sioqqullugu inuusuttut inuussutissarsiornermut isumasioqatigiisinneqassapput, Kalaallit Nunaata siunissaa pillugu ataatsimoorlutik oqallillutillu kissaateqarfigisinnaasaannik.
Pisarnitsituut siusinaarluni peqataanissamut nalunaaraanni early bird neqerooruteqassaaq. Pisussanut pilersaarut aammalu peqataanissamut nalunaarneq uani pissaaq: www.futuregreenland.gl
