Kalaallit Nunaata COVID-19-ip atuunnerani ikuallattoq ikumaterujoorpaa, taamaasilluni ornitassatut naviananngitsutut isigineqarluni. Umiarsuarnik takornarianik angallassisut akornanni takuneqarsinaavoq, umiarsuit amerlasuut tikittussatut nalunaarutigineqarsimasut aamma ukiup ilaa immikkut ittoq utaqqivoq. Kisianni suli ilisimaneqanngilaq susoqassanersoq, sulimi naluarput umiarsuit kalaallit umiarsualiviinut tikissanersut.
Umiarsuarnik angallattut ukioq manna majimi aallartissapput kisianni umiarsuarnik angalatitsisut angallassinissatik piareersarlugit aallartereerput. Taamaasillutik 2022-imi umiarsuit 370-it tikittussatut nalunaarutigineqareerput, taakkunani Nuummiinnaq 49-it, takornarissat 50.000-it missaaniittut.
Maannakkut piareersarneq inniminniinerillu ingerlapput kisianni nalunaarut atuuttoq apriilip 5-iata tungaanut atuuppoq. Aaliangiinissanut tunngatillugu kingusinaarujussuarpoq, tikittussanut tunngatillugu aamma umiarsualivinnut sullissisussanullu kinguneqassaaq, angallassinissanut piareersarnerit, aqutsineq kiisalu takornariartitsinernut.
Umiarsuit tikittussat, namminneq nakorsaasinnaasunik inuttaqarput aamma napparsimaveeraqarput/napparsimavittut immikkoortut, taamaattumillu tikinnginnerini naleqquttunik arlalinnik piumasaqaateqartoqarsinnaalluni. Taamaattumik Kalaallit Nunaanni Sulisitsisut sakkortuumik kaammattuutigissavaat, marsip appriililluunniit tungaanut nalunaarutip § 5-ianut aaliangernissamut utaqqisoqassanngitsoq, kisianni piaarnerpaamik aaliangertoqassasoq, taamaasilluni Kalaallit Nunaat inuussutissarsiornermillu ingerlataqartut ataatsimoorlutik sinaakkutissanik aalajaatsunik nalunaaruteqarniassammata umiarsuaatillit aasaanerani pisussanik piareersarnissaannut.
Nalunaarut takornarissanut timmisartumik tikittussanut tunngavoq aamma umiarsuarnik takornarissanut atuuttussamik taama ittumik piumasaqaateqartoqarsinnaavoq. Maanna erseqqissuliortoqarnissamik pisariaqartitsisoqarpoq, aasaanerani susoqartitsinissaq aammaarluni annaajumanngikkaanni.