”Soqutiginninneq annertuupilorujussuuvoq – taanna qularutissaanngilaq.”
Taamak nipeqarpoq KAIR-ip pisortaa, Jens Lauridsen. KAIR-ip Nuummi, Ilulissani Qaqortumillu mittarfissat nutaat sanavai.
Soqutiginninnerup annertoorujussuup, Jens R. Lauridsen-ip oqaatigisaa, tassaavoq Kalaallit Nunaata takornariarfissatut soqutigineqarnera. Jens Lauridsen-i oqaluttuarpoq, nunat assigiinngitsut timmisartuutileqatigiiffii annertunerujartuinnartumik takornariarfissatut orninneqartussat immikkut ittut ujartormatigit.
”Nunat assigiinngitsut timmisartuutileqatigiiffiisa annertunerujartuinnartumik aammalu annertunerujartuinnartumik takornariarfissat, allaanerusut aammalu allatut ittuneeri pillugit neqeroorutineqartut. Assersuutigalugu Kalalaallit Nunaanni taamatut ittut pigaavut pinngortitattinni kusarnartumi,” oqarpoq Jens Lauridsen.
Naak nunani assigiinngitsuni timmisartuutileqatigiit annertunerujartuinnartumik ornigassat ujartoraluaraat, tassani takornariartorpassuaqalernissaa pilersinniarneqanngilaq. Pineqartoq tassaavoq takornariaqarnermik ineriartortitsinissaq, taamaasillutalu isumagisinnaanngorlugu.
”Mittarfinnik sanaartorneq isumaqanngilaq takornariarpassuaqalernissaanik. Pineqartoq tassaavoq Kalaallit Nunaat ineriartortissagatsigu sukkassuseq nammineq aqussinnaasarput atorlugu. Takornariarpassuaqarnerup tunisassiaq aserorsinnaavaa. Nunarput inuusalianngilaq takusarneqarsinnaasoq. Nunarput kulturimik, oqaluttuarisaanermik pinngortitamillu qalaarpoq,” oqarpoq Jens Lauridsen.
Aperigigaanni sooq taamak mittarfiit nutaat pingaaruteqartiginersut, Jens Lauridsen-i qulanngilluinnarpoq.
”Ersarissorujussuarmik oqaatigineqarsinnaavoq. Takornarissannut pilerilersitsinissamut matuersaat tassaavoq tikikkuminassuseq. Niuerfissaq tikikkuminarsisikkaanni, taava aamma periarfissaq aamma soorunami annerulissaaq, inuit taamaanngaatissallugit. Maanilu taamaappoq. Attaveqaateqarneq allanngortipparput Kalaallit Nunaannut takornarissat timmisartuutileqatigiinnullu tikikkuminarsisipparput,” Jens Lauridsen oqarpoq.
Nuummi Ilulissanilu mittarfissat 2024-mi naammaassissapput, Qaqortullu 2025-mi.