Allamik isumassarsinartigisoqanngilaq ilikkarnarlunilu suliffeqarfimmi tusarlugu, ´qanoq allat iliortarpat´. Aqutsinermi, ingerlatsinermi, ineriartortitsinermi aamma ullutsinni apeqqutini oqallisigineqartunik. Nunatsinni angisoorsuarmi naapikulaarneq ajornakusoortarpoq. Kisianni aamma Sulisitsisuni ilaasortat ilisimasanik avitseqatigiinneq nuannaarutigisarpaat.
Taamaattumik Sulisitsisut qaammatit tamaasa eqqartortarpaat, taasagarput `qaammatip suliffeqarfia´. Suliffeqarfiit isiginiartarpagut, sumiiffinni avatangiisinut immikkut ittumik iliuuseqarsimasut, aamma atuilluartuunermik, naligiisitaanermik, assigiinngisitaartunik sulisullit, ilinniarsimaneq, aallarnisaasuuneq imaluunniit immikkut ittumik angusaqarluarsimaneq.
Isumassarsiaqarsimaguit, suliffeqarfik siunissami sorleq qaamatip suliffeqarfiatut taaneqarsinnaasumik, taava uagutsinnut allanniarina.
Uani qaammammi Narsaq Auto-mik & VVS-imillu oqaluutaqarsimavugut.
Iluatsilluartumik kinguaariit nikinnerat
Kujataani suliffarfimmi Narsaq Automi & VVS-imilu siuttuupput Aqqaluk Abelsen aamma Lisa Hansen-i. Kisianni taamaattuaannarsimanngillat. 2020-imi kinguaariit nikisinneqarput, suliffeqarfik Jan Hansen-imiit kingornussimagamikku. Ulloq puigunaatsuusimavoq, tassami Narsaq Auto & VVS-ilu ilaqutariit tigummiinnarpaat. Lisa-mik Jan-imillu panigineqarpoq, aamma Aqqaluk Lisalu illoriipput/-illoorariipput.
Kinguaariit nikinnerat iluatsilluarpoq, naak aqqutaani unammillernartoqarsimagaluartoq, taamak oqaluttuarpoq Aqqaluk:
”Aallaqqaammut ajornakusoorsimavoq – ingammik sulisunut – tassami allanngorneqarmat. Uanga aqutseriaasera aalajangersimaneruvoq, sungiusimasaanninngaanniik. Aamma sulisunnut annertuumik piumasaqartarpunga. Soorunami allannguutinut sungiussiniaqqaartussaapput.”
”Aallaqqaammut sulisut utoqqaanerit oqarput: ´Imatut iliortaraluarpugut´, aamma ilikkartariaqarpaat, suliat allatut suliarineqarnissaat,” Aqqaluk nassuiaavoq.
Ukiuni amerlasuuni sakkortuumik sulereerluni Jan utoqqalinersiaqalerumasimavoq suliffeqarfinilu tunillugu. 1984-imiillu Narsaq Automi & VVS-imilu pisoraasimavoq. Taamaattumik peqataasunut tamanut nuannersimavoq, suliffeqarfik ilaqutariinnit tigummiinnarneqarmat.
1984-imiilli Jan Hansen-ip Narsaq Auto & VVS-ilu Leif Jensen peqatigalugu ingerlassimavaa. Kisianni 2005-imi Leif tunuartariaqarsimavoq peqqiilliornini tunngavigalugu. Taamanikkut Jan-ip nuliatalu Cecilie Hansen-ip suliffeqarfik ingerlassimavaat, Lisalu 2007-imi atorfinippoq.
”Jan-ip aallartinnitsinni ikiorluarsimavaatigut illoqarfillu tamaat nalunngilaa. Ilaqutariinneq suliffeqarfimmik tigusinermi iluaqutaavoq. Tamatta isumaqarpugut, ajunngilluinnartumik ingerlalluta. Suleqatigiinneq pitsaavoq aamma immitsinnut atorluartarpugut. Jan-i qujanartumik suli suleqataalaartarpoq taamaasillutalu oqaloqatigisinnaasarlugu – unammillernartullu naammattoortakkagut aaqqinniarlugit ikioqatigiittarpugut,” taamak oqarpoq Aqqaluk.
Aqqaluup suliffeqarfimmut nukinik nutaanik eqqussivoq, aamma ingalalluaqaagut, oqaluttuarpoq:
”Nuuk Marinecenter-imi ukiorpaalunni sulisimavunga – sullivimmi pisortaasimallunga tuniniaaviullu immikkoortortaqarfiani. Misilittakkakka Narsaq Auto-mut & VVS-issimullu nassarsimavakka, suli annertunermik suliffeqarfik ineriartortinniarlugu.”
Lisa aamma Aqqaluk Facebookkikkut quppersagaliorsimapput, taamaasilluni nuna tamakkerlugu malinnaasoqalersillugu, sunik suliaqarnerminnik. Aamma atortunik nutaanik amerlasuunik pissarsisimapput, suli annertunerusumik sullissinerat pitsaanerulerluni aamma suliffeqarfik ineriartorpoq.
”Aamma umiarsualivimmi allilerivugut, taamaasillutalu takanani ajornannginnerusumik motoorinik sullissilersinnaalerluta . Siunissami annertuunik pilersaaruteqarpugut,” taamak Aqqaluk isumalluarluni oqarpoq.
Sumiiffimmi avatangiisinut tapersiipput
Aqqaluk sulilluartartorujussuuvoq. Ullut tamaasa Narsaq Auto & VVS-ilu iluatseqqaannartikkumallugu sullittuartarapaa.
Kisianni Aqqaluup Narsaq Auto & VVS-ilu kisiat sullisinngilaa – kisianni aamma sulissutigaa Kalaallit Nunaata Kujataani Sulisitsisunik peqataatitaqarluarumalluni. Sumiiffigisami peqatigiiffimmi suleqataavoq aamma Nuummukakulavoq kujataa peqataatinniarlugu Jørgen Matthiassen suleqatigalugu, Permagreen-imi ittuusoq aamma Narsami ataatsimiititaliami siulittaasuusoq.
”Isumaqarpunga, GE-imi ataaveqaataaneq pissanganartorujussuusoq. Unammillernartut annertunerpaartaasa ilagaat pikkorissunik sulisussaqarniarneq. Assassorluni suliffeqarfinnut tamanut atuuppoq. Atorfissaqartippagut inuusuttut amerlanerit assassornermik ilinniagaqalernissaat. GE-mi taakkua ilaatigut aaqqinniarlugit sulissutigaagut,” taamatut oqarluttuarpoq Aqqaluk.
Aamma sumiiffimmi timersoqatigiiffiit Narsaq Auto & VVS-i iluaqutigilluartarpaat, futsalimik arsartartut N-85-i NUA aningaasanik tapersersortaramiuk. Ilaatigut isumagisarpaat, Narsap avataanut unamminernut peqataanissaannut angallattarlugit. Aamma ukiumoortumik meeqqanut unammisartunut toqqaanernut Narsaq Auto & VVS-ilu arsartartut akissarsiassaannut aningaasaliissuteqartarpoq.
”Meeqqanut inersimasunullu peqatigiiffimmut peqataaneq nuannaalersitsisarpoq, tamannalu tapersersorumavarput. Ajornartorsiutaannik unamminernut angalanissanut ikiorsinnaagutsigit, taamaasiorusuttaqaagut,” Aqqaluk oqarpoq.
Narsaq Autoq & VVS-ilu Nunatta Kujataaniippoq qatserisartullu, politiillu napparsimaviullu biilii aserfallatsaalisarpaat, pinasuartumik ajortoortoqarnerani ikiorneqarsinnaaqulluta. Kisianni aamma Blue Ices aamma salliutinneqartarpoq, taamaasilluni inuit allakkallu nunami angallanneqarsinnaaqqullugit. Aamma innuttaasut biilii suliarineqartarput, kommunillu maskinai angisuut – kiisalu vvs-inik suliassat tamaasa.
”Qatserisartut, politiit napparsimmavillu salliutittarpagut – tassami inuunermik ´naleqarsinnaasut´tamaasa. Innuttaasumik isumaqateqaasiorsimagutta, pinartumillu pisoqariataassappat, taava qatserisartut, politiit napparsimavillu salliutittarpagut. Naak aamma suliassat assigiikkaluartut.”
Suliffeqarfik 12-inik sulisoqarpoq, aamma suli aasakkut amerlanerusarput. Sulisut mekanikeritut vvs-ilerisutullu ilinniarsimasuupput kisianni aamma inuusuttut sulisartut arlaqarput.