Sulisitsisuniit sorsunneq sakkulersorlunilu akeqqersorneq isumaqatiginngilluinnarparput. Atorfilittatigut aaqqiissutit sioqqullugit iliuutsit taamaattut akuerineqarsinnaanngillat, ingammik tamatigorluinnaq inuinnaat eqqorneqarnerpaasartillugit.
Ukraine-mi inissisimaffik tupannarlunilu uissuumminarpoq pingaaruteqarlunilu nunat tamalaat inuiaqatigiivi ataatsimoorlutik Russit killissaminnik qaangiinerat ataatsimoorfigissagaat. Taamaattumik kinguneqartitsinissamik pisariaqartitsineq Sulisitsisuniit taperserparput, ilaatigut sorsunnissamik siunertaqarneq akuerineqarsinnaanngitsoq peqataaffigiumanagu siunertaqarmat.
Nunarsuatta kitaani pingaartitat ilutigalugit kinguneqartitsinissat eqqarsaatigalugit inuit immikut isiginiarneqarput taamaattumillu ulluinnarni inuussutissat nakorsaatillu pinnagit kinguneqartitsisoqarpoq, ilutigisaanillu sorsunnissamut suliniutissanut killilersuutaasinnaasunik atuutsilersitsisoqarluni. Kalaallit Nunaat nunarsuatta kitaanut ilaavoq, taamaattumillu Danmark, EU aammalu Kitaa sinnera assigalugu killiliisariaqarpugut.
Sulisitsisut pissusissamisoortumik inissisimaneq qanimut malinnaaffigivaat soorunalimi aamma Naalakkersuisut Qallunaallu aqutsisuisa malittarisassat atuutilersitaat malillugit. Aammattaaq piareersimavugut suliffeqarfiit inissisimanermut eqqugaaqqasut siunnersussallugit piareersimalluta.