Sapaatip akunnerata tulliani Future Greenland arfineq marlissaannik aallartinneqassaaq. Sulisitsisut aallartitaraat, siunnertaavorlu oqallinnarmik aallartitsisoqassasoq, nunatsinni qanoq ililluta pisariarlimmik aningaasarsiornikkut ineriartornermik pilersitsissalluta. Tassani piumasaqaataavoq inuussutissarsiornerup peqqissumik ingerlanissaa, suliffeqarfiit privatitut ingerlanneqartut amerlanerusut aamma annertunerusumik avammut tunisaqarnissaq. Piviusunngortinniaraanni piumasaqaataavoq siamasissumik kattuffinnit inuiaqatigiillu akornanni suliniuteqartunik peqataasoqarnissaa.
Ataatsimiinermi peqataasut ilagaat Anna-Sofie Skjervedal, Arctic Hub-imi allaffimmi pisortaasoq.
Neriuutigivaa, Future Greenland-imi peqataaneq isumaqassasoq, siunnissami aamma ilisimatusarnerit oqaluuserineqartassasut, Kalaallit Nunaata siunissaa oqaluuserineqaraangat. ´Kalaallit Nunaat ineriartussappat, piumasaqaataavoq, suliaqartut assigiinngitsut suleqatigiinnissaat, taamaasilluta akornatinni ilisimasat pitsaanerpaamik atorneqassammata´, taamatut oqarpoq.
Kisianni ilisimatusarneq inuussutissarsiornermut atassuteqarpa? Aamma sooq suliffeqarik Arctic Hub-itut ittoq inuussutissarsiorneq pillugu ataatsimiinnermi peqataava, ulluinnarni ilisimatusarnermik suliaqartoq? Uani Anna-Sofiep akissuteqarfigaa:
Arctic Hub-imi suliassatta pingaarnersaraat ilisimasat siammarternissaat aamma ilisimatitsissutigalugu atorfissaqarpiffiani iluaqutaatinniarlugu. Ilisimatusarnernik inuiaqatigiilu pitarlugit aqqutissiuussivugut, taassuma ataani aamma ilisimatusarneq inuussutissarsiortut atortussiornerlu akornanni aqqutissiuussilluta. Soorunami Future Greenland-imi ilaassaagut, tassanimi immikkut ittumik attaveqarfeqassalluta periarfissanissaagut soqutigisaqaqatitsinnik amerlasuunik oqaloqateqarluta.
Qilanaarutigaara kiisami inuit inuttarsillugit naapissinnaagakkit oqaloqatigalugillu. Taanna pitsaasumik periarfissatsialaavoq attaveqaatit nukittorsanissaannut ilisimatusartunik inuussutissarsiornermillu ingerlataqartunik.
Anguniagaraara ilisimasat annertunerusumik oqaluuserisassani ilaatinneqartarnissaat, aamma siunissamut isigisinnaanngilagut ilisimatusarneq ilaatinneqanngippat. Matuersaat akissutissanut amerlasuunut aqqutissaavoq, nunarsuarmi ujartorneqartoq, ilisimatusarnermiippoq. Arctic Hub-i taperseerusuppoq, ilisimasat amerlanerujussuit saqqummiunneqarnissat, piviusumik atorneqarsinnaasunut. Taamaattumik takorusuppara, oqaloqatigiinnerit annertunerusut, qanoq inuussutissarsiornermik ingerlatallit pitsaanerusumik ilisimatusartut ilisimasaannik pitsaanerusumik iluaquteqarsinnaanerat.
Ilisimasat ilisimatuunut
Taanna oqaatigeriarlugu, pingaaruteqarpoq erseqqissassallugu ilisimasanik ingerlatitsineq aqqutit marluk atussavaat, siunissami iluarsiissutissat isigigutsigit. Aamma ilisimatuut suliffeqarfiit ilisimasaannik pisariaqartitsipput. Inuussutissarsiortut akornanni susoqarpa? Akimmisaarfiit suut naammattoortarpaat? Tikkuussisinnaapput, sunik ilisimasanik annertunerusunik pisariqartitsinersut.
Inussutissarsiornermik ingerlataqartunik inunnik ataatsimiittuni oqaloqateqaraangama, taava ukkatakka aamma tassaassapput ilippanartut atorneqanngitsut, takusatsinnut naleqqiullugit, inuussutissarsiortutut ingerlatsisut annertunerujussuarmik qanoq ilillutik annertunerujussuarmik ilisimatuunut tapersiisinnaanersut, taamaasillutik illuatungeriit tamarmik suleqatigiinertik iluaqutigisinnaallugu.
Inuussutissarsiornermik ingerlataqartut ilisimatusartut arlalipparujussuartigut ikiorsinnaavaat. Soorlu assersuutaasinnaavoq atortussanik inunnillu sumiiffinnut ajornakusoortumik inissisimasunik assartuinerit, inuussutissanik pilersuinerit aamma sumiiffinni pissutsinik ilisimasanik. Ingammik ilisimatuut avataanersut pisariaqartippaat sumiiffinni ilisimasallit, sullissisut ikiortillu.
Arlaanniit aallartissagutta, siullermik annermillu pisariaqarpoq ilisimatusarnerup silarsuaaniittut inuussutissarsiornermillu ingerlatsisut oqaloqatiigiinnissaannut pilersitsinermik. Arctic Hub-ip silarsuit taakku marluusut ataqatigiinnerusumik ingerlanissaannut nukittorsaaqataasinnaavoq. Ikiuussinnaavugut oqaloqatigiinnissat ilisimasallu piareersarnissaannut, taamatut pinerup ajunnginnerusumik ingerlanissamut qulakkeerinnissinnaavoq, periutsit nutaanik pitsaanernik aamma atuilluartuusumik aaqqiinernut.
Tassani ataatsimiinnerpiami inuillu akornanni oqaloqatigiinnerni, isumassarsiat nutaat pilersarput aaqqinniarnermik suniunertaqartunik, maannakkorluinnaq nassaarineqassapput aamma siunissamilu. Taamaattumik Future Greenland-i qilanaaraara.
Asseq: Christian Sølbeck