Aningaasarsiornikkut siuariartorneq, oqaluuserisassaq nutaaq: Qanoq iliortoqassava – takorluukkaniit iliuuseqarnermut? Tassa apeqqut annertooq, Future Greenland-imi ataatsimiinnermi apeqqutigineqartussaq, aamma Sulisitsisut akissutiffigissallugu neriuuteqarfigisaa.
Sulisitsisut ilaasortaat Palle Christiansen nukissiornermik selskabimi Anori A/S-imi pisortaq, taassuma amerlasuunik akissutissaqartippaa. Kaallit Nunaammi saqqummissalluni periarfissaqarpoq aamma avammut tuniniaannermik pissanganarutmik pilersitsisinnaavoq atuilluartuusumik nukissiorneq eqqarsaatigalugu, kisianni piumasaqaataavoq, politiikerit suliffeqarfiit pitsaanerusunik sinaakkuteqartinneqarnissaannik, taamatut oqarpoq.
Palle aperaarput, sooq Future Greenland inuussutissarsionermik ingerlataqartunut ataatsimiisitsineq pingaaruteqartoq aamma ataatsimiinnermi anorip nukinga atorlugu nukissiorneq sammineqartilersinnaavaa aamma Kalaallit avammut tuniniaasinnaanerat pissanganartoq aallartisillugu. Palle oqarpoq:
Anorimi ataatsimiinneq atussavarput uagut suliffeqarfipput nittarsaanniarlugu aamma takutillugu, Kalaallit Nunaat pisinnaalluartoq. Nunarsuaq takutissavarput peqataasullu allat – pisortat ingerlatsiviineersut aamma privatit – siuaqqasorujussuusugut atorluuaneq tunngavigalugu nukissiornermi.
Future Greenland-i ataatsimeersuarneruvoq attaveqaatinut tunngatillugu pingaarnerpaaq. Sulisitsisut oqallinnissamut periarfissat pilersippai aamma inuit pissanganartut inuussutissarsiornermik politikkimillu ingerlataqartut katersortippai – taassumalu qaavatigut nunarsuup ilaaneersut arlallit.
Ataatsimiinermi politiikerit oqaloqatiginiarpakka. Oqariartuutiga unaavoq, atuilluartuunermik nuunneq atuuttuaannartusanngorpoq, aamma Ukrainimi sorsunnerup pisariqartitsineq sukkattsisippaa, ineriartortitsineq suli sukkanerulersillugu. Tamanna paasisariaqarpaat kingornalu iliuuseqarlutik.
Kalaallit Nunaanni iluanaarpugut, peqqutigalugu ataavartumik nukissiuutinik pilersitsinissamut tunngavissaqaratta anorip nukingata atorneratigut. Periarfissaqarpugut nammineerluta ikkumatissiorsinnaalluta. Avataanit eqqussuinerput millisissavaa – taannalu aammattaaq isumaqarpoq, nunanut allanut nukik avammut tunniarsinnaalissagatsigu. Qitiulluinnarpoq, aningaasaqarnikkut namminiilersinnaanitsinnut.
Kisianni piumasaqaataavoq, inatsisit aaqqinnissaat. Aamma suliassanik ingerlatsinermut periutsit iluarsisariaqarput.
Immikkorluinnaq ittumik periarfissaqarpugut – tassami pissanganartumik avammut tuniniaalersinnaavugut, tassami anorip nukinga atorlugu ataatsimoortunik nukissiuutinik sanasinnaavugut inunnik akornusersuinata, peqqutigalugu nunarput angisoorujussuummat. Tamanna atorluartariaqarparput, kisianni pisariaqarpoq, politiikerit takussagaat aamma anorip nukingata periarfissaanera paasillugu. Atuilluartuuneq atorlugu nukissiorneq pisortat-privatillu suleqatigialugit pilersissinnaavarput, innuttaasunut tamanut iluaqutaasussaq. Politikkikkut sinaakkutissat pisariaqartut pilersereerutsigit, taava uagut suliffeqarfittut Anoritut ittutut nukissiornermik ingerlatsiviit ingerlassinaavagut aamma Kalaallit Nunaat nunallu allat arlallit atuilluartuusumik nukissamik qulakkerutissagaluarpagut.
Sinaakkutissanik eqqortunik pilersitsigaanni nukissiorfiit selskabit uagutsitut ittut inuiaqatigiinnut tamanut iluaqutaalissapput. Aningaasarsiorutta, taava aningaasanik toqqaannartumik inuiaqatigiinnut ingerlatitseqqittassaagut akileraarutit akitsuutillu aqqutigalugit. Taakkua akilissavaat assersuutigalugu nunap meeqqerivii, atuarfiit aamma utoqqarnik paaqqutarinninnerit. Peqatigitillugu suliffissat pilersissavagut aamma atuilluartuunermut nikeriarnermut tapersiilluta.
Qilanaaraara Future Greenland-imi oqaluuserisallugu – taamaasilluta peqatigiilluta Kalaallit Nunaat ineriartorfiusoq pilersillugu.
Asseq: Justin Bulota