Namminersorlutik ingerlatsisut erninermi sulinngiffeqarluni aningaasaateqarfik Naalakkersuisuniit upernaami siulersuisut toqqarneqarnerisa ilutigalugu aningaasaateqarfiup siulersuisui allattoqarfeqalernissaq sulissutigisimavaat, aningaasaateqarfiup aningaasaataanik allaffissornikkut aqutsisussat. allattoqarfik maanna piulersimavoq, aningaasaateqarfillu ateqalerpoq Amaat – erninermi sulinngiffeqarluni aningaasaateqarfik. Maanna ilitsersuutitalimmik elektroniskiusumillu qinnuteqarfigineqarsinnaasumik nittartagaliortoqarnissaa sulissutigineqaleruttorpoq.
Aningaasaateqarfiup siulersuisuini siulittaasoq, ernisussiortoq Anne Schurmann oqarpoq:
“Nuannaarutigilluinnarparput aningaasaateqarfiup allattoqarfittaava saqqummiussinnaanngoratsigu. Arctic Law allattoqarfiup ingerlannissaanut toqqagaasimavoq inatsisillu atuutilerfianiit qinnuteqaatinik tigusaqarsinnaanngussapput 1/7. Suleqatiginissaat qilanaarutigaarput naammagisimaarparpullu allatseqarfimmik ingerlasinnaasumik pilersitsisinnaasimagatta, naak piareersarnissatsinnut piffissakissimagaluarluta. Maanna aallartisarneq ingerlapparput tassungalu atatillugu qilanaaraarput siunnersuutinik pissarsissalluta, qanoq ililluta siunissami aningaasaateqarfiup nukittorsarnissanut suliniutissanik.
“Erninermi sulinngiffeqarluni aningaasaateqarfik Amaat-mik ateqalersinneqarpoq. Meeqqap akunnaatsumik amaarsinnaanerata saniatigut amaat eqqissisimanartuuvoq anaanamullu atassuteqarneq nukittorsartarlugu aammalu silamut anorimullu illersuutaalluni. Ullumikkut arnat angutillu erninermi sulinngiffeqartarput aamma tamarmik meeqqat sammisarpaat. Inatsisip atuutilerneratigut erninermut atatillugu ajunnginnerusunik atugassaqarnissaat aamma ilaqutariit aningaasatigut eqqissisimanissaannut qulakkeerunneqarput.
Aningaasaateqarfik 1. juli atuutilissaaq namminneq ingerlatsisuni sulisut erninermi sulinngiffeqarluni akissarsiaqarsinnaanissaminnut pisinnaatitaaffeqalissapput. Namminersorlutik inuussutissarsiortut aningaasaateqarfimmut aningaasanik utertitsinissaminnut qinnuteqarsinnaassallutik.
Paasissutissat amerlanerusut allattoqarfianut paasiniarneqarsinnaapput uunga amaat@alg.gl.