Kalaallit Nunaanni pasinapiluttumik kalerriisunik illersuineq pillugu Inatsisartut inatsisaat

Januarip aallaqqaataani 2025-imi pasinapiluttoqartillugu kalerriisarnissamik inatsit Kalaallit Nunatsinni atuutilissaaq. Inatsisissap malitsigissavaa sulisitsisut 30-inik amerlanerusunik sulisullit kalerriisussaatitaanerat.

Inatsisartuni juunimi 2024-mi Kalaallit Nunaanni pasinapiluttoqartillugu kalerriisartunik illersuineq pillugu inatsisissaq Inatsisartut akuersissutigaat. Inatsisip siunertaaraa inuit inuup (sulisup) suliffeqarfiani suugaluartumiluunniit suliassanik pingaaruteqartunik imaluunniit inatsisitigut unioqqutitsisunik saqqummiussisartut imaluunniit tamat takusinnaasaannik paasissutissisut illersorneqarnissaat. Inatsit 1. januar 2025-imi atuutilissaq, tamanna aamma inatsisip atuutilernissaa sioqqullugu pissutsinut atuuppoq.

Inatsit annertusisamik sulisitsisunut, soraarsitsisimasunut, nuutitsisimasunut imaluunniit malunnaatilimmik suliarisartakkanik sulisorisamut pasinapiluttoqartillugu kalerriutiginnissimasumut allannguisimanermi uppernarsaasiinissamik tunngasunik maleruagassanik imaqarpoq. Tassa imaappoq sulisitsisoq tunngaveqarluartariaqarpoq, pasinapiluttoqartillugu allatulluunniit kalerriisimasup soraarsinnerani, nuutsinnerani imalunniit malunnaatilimmik suliarisartakkanik allannguinissamini, taamak tunngavissiuinermi qularutigineqanngisaannassaaq, taamak qisuariarnerit pasinapiluttoqartillugu allatulluunniit pisoqarsimatillugu kaleriisimanermit aallaaveqarneri.

Inatsisip tunngavippiaa inaatsimmi kapitalit sisamaanniippoq, taassuma kingunerisaannik pisortat suliffeqarfiutaat aammalu suliffeqarfiit namminersortut 30-inik amerlanerusunik sulisullit pasinapiluttoqartillugu kalerriisarnermik aaqqissuussamik pilersitsinissaminnut pisussaaffilerneqarnerat. Tamassuma saniatigut saaffiginniffissatut inissisimasussamik – saaffiginnissutaasunik tigooraasussamik pilersitsisoqassaaq, taannaajumaartussaassaarlu kalerriisartumut aamma utimut ilisimatitsisartuusussaq. Suliffeqarfissuit arlalinnik immikkoortortallit taanna toqqarneqartoq immikkoortortakkaaraluarlutik atorsinnaavaat, allamik toqqaanngikkaluarlutik.

Suliffeqarfinnut 30-it 100-llu akornanni sulisulinnut pasinapiluttoqartillugu kalerriisoqartartussamik immikkoortumik pilersitsinissamik piumasaqaat junip aallaqqaataani 2025-mi atuutilissaaq.

• Januarip aallaqqaataa 2025: Pisortani sulisitsisut aammalu suliffeqarfinni namminersortuni 100-nit amerlanernik sulisulinni pasinapiluttoqartillugu kalerriisartussamik immikkoortoqarfeqarnissamik peqartussaatitaanermi ilaapput.
• Juunip aallaqqaataa 2025: Namminersorlutik suliffeqarfinni sulisitsisut 30-100-nik sulisullit pasinapiluttoqartillugu kalerriisarnermi peqataasussaatitaassapput.
• Namminersortut allat (30-nit ikinnernik sulisullit) pasinapiluttoqartillugu kalerriisarnermik piumagunik pilersitsisinnaapput.

Suliffeqarfiup avataani iluanilu pasinapiluttoqartillugu kalerriisarnermi aaqqissuussinerni makkua atuupput:

• Aaqqissuussaq suliffeqarfissuup immikkoortortakkaaraluarluni ataatsimoorussarisinnaavaa.
• Sulisitsisut namminersortut arlallit ingerlatsinermi pilersitsinermilu aningaasartuutaajumaartussat avissinnaavaat.
• Arlaannaatigulluunniit attuumassuteqarani peqataasup kalerriineq ullut arfineq marluk qaangiutsinnagit kalerriutaasimasoq tigusimallugu uppernarsassavaa.
• Arlaannaatigulluunniit attuumassuteqarani suleqataasut – Attuumassuteqarani suleqataasup kalerriutigineqartoq pinngitsoorani ingerlateqqittussaavaa.
• Arlaannaatigulluunniit attuumassuteqarani suleqataasup kalerriisoq kalerriutigineqartup tigusimanerata uppernarsarneraniit qaammatit pingasut qaangiutsinnagit qanoq pisoqarneranik ilisimatitsissutigissavaa.
• Pasinapiluttoqartillugu kalerriisarnissamut aallartitsineq aammalu tassani periusissat allaganngorlugit saqqummiunneqassapput.
• Kalerriutigineqartut suugaluilluunniit nalunaarsorneqarlutillu tammatsaalineqarlutik uppernarsarneqassapput.