Kalaallit Nunaanni inuussutissarsiornikkut ataatsimiinerit annersaannut, 14.-15. maj 2024, Katuaq, Nuuk
Nunarsuatsinni piujuaannartitsinissaq aallaavigalugu aaqqiinissanut ujartuisoqarpoq Kalaallit Nunaallu aaqqiissutinut arlalinnut tunniussaqassalluni inissisimalluarpoq. Kisiannili Kalaallit Nunaanni periarfissat suunuku, inuussutissarsiummik ingerlatsinermi inuuniuteqarnermilu piujuaannartitsineq aallaavigalugu ingerlatsinissaq sooruna eqqarsaatigisariaqaripput, aammalu qanoruna Kalaallit Nunaanni periarfissaasut aallaavigalugit, nunarsuatta sinnerani ujartorneqartut sumiiffitsinni periusitsinnut aammalu niuernikkut pisariaqartinneqartunut ilaliunniaripput?
Future Greenland 2024 aammaarluni nunarsuatta sinneranut soqutigisalinnut aammalu Kalaallit Nunaanni avataaneersunillu isummanik pilersitsisartunut matut ammarnialerpaat, Kalaallit Nunaanni inuuneq inuussutissarsiornerlu siunissaat eqqartorniarlugu taamatuttaarlu Kalaallit Nunaata piujuaannartitsinermik aallaavilinnik tunngavileeqataasinnaanera sammineqassalluni.
NALUNAARNEQ
Future Greenland-mut peqataanissamut allatsinneq maanna ammarpoq – una toorlugu allatsigit ‘tooruk’
Eqqaamallugu allatsinneq 15. februar 2024 sioqqullugu isumagigaanni early bird-ngorlugu akikinnerussaaq.
AKILIUTISSAQ
Future Greenland 2024 ataatsimersuarnissamut 16. februar 2024-iutinnagu peqataaniarlutit nalunaruit 20%-inik akikillisaassunneqassaati.
15. februar 2024-ip tungaanut nalunaarsortikkuit akia: Inummut ataatsimnut DKK 4.495,00
16. februar 2024-imiit nalunaarsortikkaanni akia: Inummut ataatsimut DKK 5.495,00
Sulisitsisut ilinniartunut akeqanngitsumik inissat 30-it immikkoortissimavai, taakkua Namminersorlutik Oqartussaniit ilinniarnermut tapiissutinik pisartagaqassapput. Future Greenland 2024-imi peqataasussatut nalunaaruit taava qinissavat “Ilinniartoq akeqanngitsumik inissaq”