1. Ileqqorissaarnikkut najoqqutassat siunertaat
Sulisitsisut ilaasortaanut ileqqorissaarnikkut najuqqutassat tamanut atuuttunik makkuninnga siunertaqarput:
- Sulisitsisut tusaamaneqarneranni uppernassusaanillu inuiaqatigiinnut, sullitanut suleqatinullu qulakkeerinninnissaq.
- Suliffeqarfiit inuiaqatigiinnut pisussaaffimminnik eqquutsitsinissaat anguniarlugu suliniutissanik aallartitsiniarnerit qulakkeernissaat.
- Sulisitsisut malittarisassaat naapertorlugit sulliffeqarfiit pisussaaffimminnik eqqortitsinissaasa tatiginartuunissaasalu qulakkeernissaannut atorneqassapput.
Ileqqorissaarnikkut najoqqutassat malinneqanngippata siulersuisut ilaasortamik arlalitsigut pineqaatissiisinnaapput, siulersuisut naliliinerat malillugu pingaarutilimmik annertuumillu ileqqorissaarnikkut najoqqutassanik unioqqutitsisoqarsimappat. Iliuutsit aamma tassaasinnaapput kingorna unioqqutitsisoqannginnissaa pingitsoortinniarlugu suliniutit.
Ileqqorissaarnikkut najooqutassat suliassaqarfinnut assigiinngitsunut ataatsimiititanut (brancheudvalg) tamanut atuuttussat assigiipput. Suliassaqarfinnut assigiinngitsunut ataatsimiititat pisariaqartitsinertik naapertorlugu suliassaqarfimmut tassungarpiaq pissutsinut naleqqussorisaminnik ileqqorissaarnikkut najoqqutassanik malinninnissaq anguniarlugu erseqqissaasinnaapput.
2. Sullitat
Sulisitsisut ilaasortaasa suleqatissaat pingaarnerpaaq tassaavoq sullitaq. Ilaasortap sullitaq nalimisut pissusilersorfigissavaa.
Isumaqatigiissut/ atsioqatigiinnertalimmik isumaqatigiissut akuusunut tamanut pitsaasumik ingerlatsiviussappat, isumatusaartumik atsioqatigiinnikkullu isumaqatigiissusiortoqartariaqarpoq; taassumatulli pingaartigisoq tassaavoq suliarinnittup sullissisullu ammasumik, unneqqarissumik uppernassusilimmillu tunngaveqarlutik suleqatigeerusussuseqarnerisa ersersinneqarnissaat.
Taamatut isumaliortaaseqarnermut ileqqurissaarnikkut najoqqutassat takussutissaapput, aammalu Sulisitsisuni ilaasortat sullitaasa suleqataasalu qanoq isumalluartiginissaannut najoqqutassiillutik.
Sulisitsisuni ilaasortaq ilaatigut imaaliussaaq:
- Suliaq eqqortumik piffissamillu eqqortitsilluni piginnaanerit isumalluutillu pisariaqartinneqartut pigigunigit suliassamik tigusisinnaaneq
- Piumasaqaatinik taakkuninnga eqqortitsisinnaasunik suleqateqassaaq
- Sullitamik taassumalu siunnersuisuinik suleqatiserinnippalaartumik pissuseqarneq suleqatiginnilluarnerlu, taamaaliornikkut isumaqatigiissutaasut malillugit sulinerup ingerlanneqarnissaa nukinnillu atorluaanissaq qulakkeerniarlugit
- Suliap suliarineqarnera eqqortumikingerlanngippat sullitap ilisimatinnissaa sullitallu soqutigisaa aallaavigalugu taassuminnga siunnersuinissaq
- Ammasumik naapertuilluartumillu suleqatigeeriaaseqarnikkut isumaqatigiinngissutaasinnaasunik pitsaanerpaamik aaqqiniartarnissaq.
3. Inuiaqatigiit
Pisortat ingerlatsivii namminerlu inuussutissarsiutillit suleqatigiittut Sulisitsisuni ilaasortat isigaat, taakku qanittumik ammasumillu oqaloqatigiinneq tamarmik iluaqutigisassaat.
Sulisitsisuni ilaasortap inuiaqatigiinnut pisussaaffiit inatsisillu malissavai, tassunga ilaalluni pisortanut akiligassaqannginnissap qulakkeernissaa.
4. Sulisorisat
Sulisitsisuni ilaasortaq ilaatigut imaaliussaaq:
- Suliffeqarfimmi pitsaasunik atugassaqartitsinissaq suliniutigissallugu, taamaaliornikkut nuannaarluni sulinissaq siuarsarniarlugu, nungullarnissaq annikillisarnilarlugu, sulillunilu ajoqusernerit ikilisinniarlugit
- Isumaqatigiissutit atuuttut aallaavigalugit illersorneqarsinnaasumik sullivimmi siulersuineq, taamaaliornikkut suliffeqarfiup sulisullu imminnut ataqatigiillualernissaat anguniarlugu
- Ammip qalipaataa, suminngaanneersuuneq suiaassuserlu pissutigalugit immikkoortitsinnginnissamik qulakkeerinninnissaq, tamatumalu peqatigisaanik suliumasunut tamananut suliffeqarfiup inissaqartitsinissaa sulissutigissallugu
5. Suleqatit
Sulisitsisuni ilaasortaq ilaatigut imaaliussaaq:
- Ileqquusut atuuttut naapertorlugit suleqatitsialattut pissusilersorneq
- Allanik sullinneqartilluni/ atortussanik pilersorneqartilluni nammineq sullitatut pissusilersorfigineqarnissamik kissaatigisatut pissusilersorneq. Tamatuma nassataraa ilaasortap suleqatigiinnerup ingerlanerani isumaqatigiissutit eqqortinnissaanut tunngavissanik pisariaqartitaminik saqqummiussisinnaanera.
- Suliassani ilaasortaq nammineq sullissisuuguni/ atortussanik pilersuisuuguni immikkoortumi qulaani allaaserineqartutuut sullitanut pissusilersuutissatut kissaatigisamisuut pissusilersussaaq.
6. Suleqatit allat
Sulisitsisuni ilaasortaq imaaliussaaq:
- Atortussanik pilersuisunut/ sullissisunut, sulisartunut siunnersuisunullu tunngatillugu isumaqatigiissutigineqartunut naleqquttumik suleqatip soqutigisai eqqarsaatigalugit iliuuseqassaaq.
7. Ileqqurissaarnikkut najoqqutassanik unioqqutitsineq
Kialuunniit suliami aalajangersimasumi akuusup maleruagassanik unioqqutitsivigineqartutut misigisup, apeqqut Sulisitsisut siulersuisuinut saqqummiussinnaavaa.
Suliakkiissutit siulersuisut itigartissinnaavai.
8. Pineqaatissiinissamut siulersuisut periarfissaat
Ileqqorissaarnikkut najoqqutassanik unioqqutitsisoqartillugu siulersuisut arlalinnik iliuuseqarsinnaapput:
Piumasaqaateqarneq:
1) Kattuffiup tusaamaneqarneranut uppernassusaanullu sunniuteqanngitsumik annikinnerusumik uniooqutitsisoqartillugu, Sulisitsisut suliffeqarfimmut piumasaqaateqarsinnaapput.
Mianersoqqusineq/ peqqussuteqarneq:
2) Suliffeqarfiit ilaasortaasut arlaleriarlutik annikinnerusumik unioqqutitsisoqarsimappata, kattuffiup tusaamaneqarneranut uppernassusianullu sunniuteqanngitsunik, siulersuisut mianersoqqussuteqarsinnaapput imaluunniit peqqussuteqarsinnaallutik.
3) Aammattaaq annertunerusumik unioqqutitsisoqartillugu siulersuisut peqqussuteqarsinnaapput, unioqqutitseqqinnginnissaq anguniarlugu iliuuseqaqqusilluni, tassunga ilanngunneqassallutik iliuusissat suut suliffeqarfiup iliuuserilersaarnerai.
4) Mianersoqqusinerit atorneqassapput suliffeqarfiup qullersarinngisaasa peqquserlullutik iluanaarniarsimanertik pissutigalugu eqqartuussaasimappata. Mianersoqqussut peqquserlulluni iluanaarniartoqaqqinnginnissaa anguniarlugu suliniuteqartoqarnissaanik piumasaqaatinik imaqassaaq. Tassunga aamma ilaavoq unioqqutitsisimasup Sulisitsisuni aalajangeeqataasartutut inissisimasinnaannginnera.Ukiup pingasoq qaangiunnerini taanna kattuffimmi aalajangeeqataasartutut inisseqqissinnaalissaaq.
5) Mianersoqqusinerit atorneqassapput suliffeqarfimmi qullersatut siullermeertumik peqquserlulluni iluanaarniartoqarsimappat. Mianersoqqussut taama ittoq peqquserlulluni iluanaarniartoqaqqinnginnissaa anguniarlugu suliniuteqartoqarnissaanik piumasaqaatinik imaqassaaq. Tassunga aamma ilaavoq suliffeqarfimmi qullersap Sulisitsisuni aalajangeeqataasartutut inissisimasinnaannginnera. Ukiut pingasut qaangiunnerini qullersatut inissisimasoq taanna kattuffimmi aalajangeeqataasartutut inisseqqissinnaalissaaq.
Akiliisitsinerit:
Imm. 1-imik pingajussaanik unioqqutitsisoqarpat siulersuisut annikinnerusumik akiliisitsisinnaapput. Sisamassaanik unioqqutitsisoqarpat akiliisitsinermi akiliut qaffanneqassaaq.
Suliffeqarfiit ilaasortaasut siusinnerusukkut mianersoqquneqarsimasut, tak. imm. 3, siulersuisut minnerusumik akiliisussanngortissinnaavaat. Pingajussaanik akiliisitsisoqarsimappat akiliisitsinermi akiliut qaffanneqassaaq.
Suliffeqarfiit ilaasortaasut imm. 4-mi piumasaqaatit malillugit nakkutiginnissimanngitsut malitseqartitsisimanngitsullu, ukiullu tallimat ingerlanerini unioqqutitseqqillutik, siulersuisunit annerusumik akiliisinneqarsinnaapput.
Ilaasortanik ilaasortaajunnaarsitsineq:
Suliffeqarfiit ilaasortaasut ukiut qulit ingerlanerini arlaleriarlutik imm. 5-imik unioqqutitsisimappata siulersuisut ilaasortaajunnaarsissinnaavaat.
Ilaasortaajunnaarsitsineq ukiuni marlunni sivisussuseqassaaq. Tamatuma kingorna Sulitsisisunut ilaasortanngoqqinnissaq kissaatigineqarpat, unioqqutitseqqinnginnissaq anguniarlugu suliniuteqartoqassaaq. Suliniutit suuneri siulersuisunut uppernarsaaserneqassapput.
Aamma ilaasortat peqatigiiffiup siunertaasa akerlianik iliuuseqartut ilaasortaajunnaarsissallugit siulersuisut aalajangersinnaapput. Tamakku makkuusinnaapput:
- Ilaasortap arlaleriarluni imm. 1-4 unioqqutissimappagit
- Suliffeqarfik ilaasortaasoq arlaleriarluni peqatigiiffiup siunertaanut ileqqorissaarnikkullu najoqqutassanut akerliusunik iliuuseqarsimappat, suliffeqarfillu ilaasortaasoq pissusissatut naatsorsuutigineqartutut qisuariarsimanani.
Aalajangeeqataasartutut inissisimaneq:
Aalajangeeqataasartutut inissisimaneq tassaavoq siulersuisuunerni, suliassaqarfinnut assigiinngitsunut ataatsimiititani (brancheudvalg) ilaasortaaneq, najukkani peqatigiiffinni imaluunniit Sulisitsisut sinnerlugit tatigisatut inissisimalluni sassartartutut inissisimaneq.
Siulersuisut qaqugukkut qisuariassappat?
Aallaavittut siulersuisut nammineerlutik suliassanik aallartitsisinnaanngillat. Taamaallaat makku tunuliaqutaralugit siulersuisut suliniutinik aallarniissinnaapput:
Suliniuteqaqqusilluni uppernarsaatitalimmik ilaasortaq suliassanngortitsippat,
Ilaasortaasup unioqqutitsinera tamanut tusagassiorfinni saqqummiunneqarpat imaluunniit
Ilaasortaq inatsisinik unioqqutitsinini pissutigalugu eqqartuunneqarpat
Piumasaqaateqarneq | Mianersoqqusineq siulleq | Minnerusumik akiliisitsineq | Annerusumik akiliisitsineq | Suliffeqarfiup suliniutissaa | Ilaasortaajunnaartitsisinnaaneq | Aalajangeeqataasartutut inissisimaneq | ||
Imm. 1-2 | Annikitsumik unioqqutitsineq | Siullermik | Aappassaanik | Pingajussaanik | Sisamassaanik | Tallimassaanik | ||
Imm. 3 | Annertuumik | Siullermik | Aappassaanik | Pingajussaanik | Sisamassaanik | |||
imm. 4 | Sulisutut peqquserlulluni iluanaarniuteqarnermi eqqartuussaaneq | Siullermik | Aappassaattut (Ukiut tallimat) | Siullermik aappassaanik | Pingajussaanik | Siullermik (Ukiut pingasut) Aappassaanik (Ukiut pingasut) | ||
Imm. 5 | Qullersatut peqquserlulluni iluanaarniuteqarnermi eqqartuussaaneq | Siullermik | Siullermik | Aappassaanik (Ukiut qulit) | Siullermik (Ukiut pingasut) |