Kalaallit Nunaanni inuussutissarsiutinik ingerlataqartut pillugit allanngueqataarusuppit? Politikkimut pilersaarusiukkamillu ingerlatsinermut paasisimasaqarluarpit? Aamma ingerlatsineq allaffissornerlu soqutigisarivigit? Taava imaassinnaavoq illit allattoqarfimmi pisortartaassarigitsigit.
Sulisitsisut allattoqarfiata ingerlanneqarneranut aqunneqarneranullu ulluinnarni akisussaasussamik siammasissumillu suliaqartussamik allattoqarfimmi pisortassarsiorpugut.
Sulisitsisut (GE) tassaavoq Kalaallit Nunaanni saqqumilaartumik soqutigisaqaqatigiiffik maligassiuisoq 1966-imiilli inuussutissarsiortunut atugassarititaasut killiliussallu pillugit sullissisuusoq. Suliniaqatigiiffiup tunngaviit sisamat aallaavigai, suleriusissallu taakku ineriartornermik piujuaannartitsinissamik ukkatarinninnermi patajaallisarneqarput:
Sulisitsisut inuiaqatigiinni ersarilluinnartutut inissisimavoq taamatullu inissisimanini illersugaralugu. Ataqatigiissaarneqarnitta suliaqarnittalu tunngaviini, sulisoqarnikkut aqutsinermi kivitseqataalluta peqataanerput qularutissaanngilaq.
Sulisitsisuni ineriartortitsinermik suliaqarpugut, iliuusissanik ujartuisuuvugut aammalu ineriartornermi avataanit isiginnaaginnartuunata, Kalaallit Nunaatali inuiaqatigiittut tamat oqartussaanerisa ingerlaarfiini akisussaaqataalluta illinersiueqataavugut. Inuiaqatigiit sinnerlugit sulisoqarnikkut sinaakkutassiinissani oqariartuuteqarnermi siuuttuuvugut.
Atorfik
Allattoqarfimmi pisortatut inuussutissarsiutinik ingerlataqartut aamma politikkikkut aaqqissuussaanerup akornanni suliaqartuussaatit suliffeqarfiit tunngavigalugit. Sulisitsisuni pisortaq toqqaannartumik attaveqarfigissavat sulisunullu arfinilinnut sulisoqarnikkut akissussaaffeqarlutit. Suliffeqarfiit ilaasortaasut, najukkami peqatigiiffiit aamma suliatigut ataatsimiititaliat qanittumik oqaloqatigisassavatit sunik pingaartitaqarnerat ilisimajumallugu, aamma ineriartorneq malinnaaffigilluassavat allanngueqataarusussuseqassallutillu. Suleqatissatsinnik piumassusilimmik, politikkimut allaffissornermullu paasisimasalimmik pissarsiorpugut ilaasortatta sullinneqarnerisa piujuartitsinissap aamma digitalinngortitsinissap aallunneqaleraluttuinnarfianni nukittorsarnissaanut, tamatumanilu najukkami aamma nunarsuarmi pissutsit paasisimasaqarfiginissaat aatsaat taama pingaaruteqartigivoq. Suleqatit allat suliatigut ataatsimiititalianik suliatigullu sammisanik arlalinnik isumaginnittuusut qanimut suleqatigissavatit.
Allattoqarfimmi pisortatut atorfigisanni Sulisitsisuni amerlasuunik attaveqarfeqalissaatit sulisuttalu pikkorissut saaffissaattut pingaarutilimmik inissisimassallutit.
Pingaartipparput
- Inatsisiliornikkut ajornartorsiutaasunik inuussutissarsiutinik ingerlataqartut soqutigisaqarfigisaannik ilisimasaqarnissat, tassunga ilanngullugit sanaartornermi suliarinninnissamut inatsiseqarnerup, sulisoqarnermut tunngatillugu inatsisit suliffeqarfimmillu ingerlatsineq pillugu nalinginnaasumik ilisimasaqarfiginissaat.
- Ajornartorsiutit pisariusut paasiuminartunngortissinnaavatit immikkoortullu qitiusut pillugit tamakkiisumik isiginnilersitsisinnaallutit
- Misissueqqissaartuussaatit aalajangiisinnaassuseqarluarlutillu
- Ilaasortat sammisallu akimorlugit sunniivigeqatigiisitsisinnaassaatit
- Avatangiiserisanni eqqissisimatitsisinnaassatit, aamma ulapiffiusumi
- Inuttut akisussaassuseqartuuvutit, arajutsinianngitsuullutit attaveqateqarnissamillu pingaartitsisuullutit
- Tatiginninnermik takutitsisuuvutit akisussaaffinnillu suliassanillu agguaassinissaq tunuarsimaarfiginagu. Ulloq suliffiusoq allanngorarfiusinnaammat ulapiffiullunilu inuttut nukittuujussaatit, tamakkiisumik isiginnissinnaallutit ilusilersuisinnaassallutillu
- Attaveqaqateqallaqqissuussaatit nutaarsiassiinerillu, inuit attaveqatigiittarfii allallu atorlugit oqaluttuanik nuannersunik saqqummiussisarnissaq qulakkeertassallugu.
- Ilaasortanut aaqqissuussinerit attaveqatigiinnilu ataatsimiinnerit pilersaarusiorlugillu ingerlattassavatit
- Danskisut tuluttullu oqalussinnaallutillu allassinnaassaatit, kalaallisut aamma taamaaliorsinnaaguit iluassaaq
Tamatuma saniatigut inatsisilerinermik tunuliaqutaqassaatit atorfimmilu assingusumi ukiunik arlalinnik misilittagaqassallutit. Aqutsinermik misilittagaqarputit, tassunga ilanngullugit ingerlatsineq sulisoqarnikkullu qanilaartumik aqutsineq. Kalaallit Nunaannit misilittagaqassaatit kalaallillu kulturiannik inuiaqatigiillu aaqqissugaanerannik ilisimasaqassallutit. Paasinnittuullutit, tatigeqatigiinneq tunngavigalugu kajumilersitsisumillu suleriuseqassaatit. Tamakkiisumik isiginnillaqqissuussaatit aammalu suliassanik sulianillu pingaarnersiuinissaq, pilersaarusiornissaq suliarinninnissarlu isumagisinnaassallugit.
Neqeroorutigaagut
Sulisitsisuni iliuuserisartakkatsinni tamani ilaasortagut ukkatarisarpagut. Ilaasortatsinnut angusanik tigussaasunik killiliussatigullu pitsaanerpaanik atugassaqartitsinissaq sulissutigaarput. Sulisitsisuni kulturitsinni piumassuseqqortunerput, attaveqateqarnissamik pingaartitsinerput immitsinnullu qiimmassaqatigiittarnerput ilisarnaatigaarput. Atorfik soqutiginartoq, ilaasortatsinnut unammillersinnaassuseqalersitsinissamik siunnerfeqartoq neqeroorutigaarput. Suliaminnut tunniusimasunik ikiuiumatuunillu suleqatitaassaatit pikkorissuseqarluartunik suliatigullu piginnaasaqarluartunik, illillu Sulisitsisuni ineriartortitsinermut sunniuteqaqataassaatit. Sulinermi avatangiisini suliatigut pikkorissuteqarfiusuni persuarsiorfiunngitsunilu suliavit pilersaarusiornissaannut aaqqissuunnissaannullu annertuumik kiffaanngissuseqartitaassaatit, aamma sulinerup ilaqutariittullu inuunerup peqqinnartumik oqimaaqatigiissinnissaannik pingaartitsisuuvugut. Ulluinnarni sulinitsinnut sulianut tunniusimalluarneq, sulinermik nuannarisaqarluarneq ilisarnaataapput aamma ikioqatigiilluta unammilligassanut aaqqiissuteqarniartarpugut.
Atorfimmik soqutiginartumik neqeroorfigisinnaavatsigit. Piginnaasat malillugit akissarsiaqartitsisoqassaaq
Soqutiginartippiuk?
Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299 583117-imut imaluunniit e-mailikkut dorthe@flieshr.dk-mut attaveqarfiginissaanut tikilluaqqusaavutit.
Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.
Atorfik pillugu apeqqutissaqaruit Pisortaq Christian Keldsen +299 36 37 10-mut imaluunniit ck@ga.gl-imut attaveqarfiginissaanut tikilluaqqusaavutit.
Tusarfiginissat qilanaarivarput.
Sulisitsisut