Sulisistsisut 2018 aamma 2020-imi suliffeqarfinni ilaasortaminni mississuisitsineranni inerniliipput, Kalaallit Nunaanni sulisussanik 900-rujut pallillugit amigaateqartut. Misissuinerup assinganik december 2021-imi misissueqqittoqarpoq, 2020-imilu misissuineq assigalugu aamma COVID19-ip pisortanit iliuuseqarfigineqarnerata sunniutai ilanngunneqarsimapput.
Inerniliineqarpoq suli sulisussanik amigaateqartoq tassanilu inuit amerlassusii 600-1000-rujut tungaanoortut, ukiunut siuliinut naleqqiullugu piviusumik pitsanngoriaateqartoqanngilaq. Suliffeqarfiit missisuinermik peqataasut affaasa ilisimatitsissutigaat sulisussanik amigaateqarlutik.
Sulisussat ilinniarsimanngitsut ilinniarsimasullu amigaatigineqarput aamma sulisussanik amigaateqarneq aningaasarsiornikkut siuariartornissaraluamut akornutaavoq. Pingaartumik pisiniarfinni aalisarnerullu iluani sulisussanik ilinniarsimanngitsunik amigaateqarput, suliassat, sanaartornermi assassorlutik sulisut ataaniittut, ilinniarsimasunik amigaateqarput. Branchit ataasiakkat COVID19-ip atuunneranut naleqqussarsimasungapput, aamma taamaattumik branchit akornanni, sulisussanik annertunerusumik amigaateqarnermut naleqqiullugu nikingassuteqartutut malunnarpoq.
Lærlinngitut ilinniarfissat inuttalernissaat 2020-imiilli ajornarnerulersimavoq, suliffeqarfinniit neqeroorutigineqartut.