Isummersorneqarneq ilikkarnarlunilu suliffeqarfimmit tusassallugu pitsaanerusoqanngilaq, ´qanoq allat iliortarnersut.´ Aqutsinermut, ingerlatsinermut ineriartortitsinermullu aamma maannakkut pisunut apeqqutinut tunngasunut. Nunatsinni angisuumi akuttunngitsunik naapittarnissaq ajornakusoorpoq. Kisianni aamma Sulisitsisut ilaasortaannut nuannerpoq ilisimasanik avitseqatigiinnissaq.
Taamaattumik Sulisitsisut qaammatit tamaasa taanna pillugu oqaluttuartarput, taasakkatsinnik ‘qaammatip suliffeqarfia’. Suliffeqarfiit ukkatarisarpagut, immikkut ittumik sumiiffinni avatangiisiminnik aamma atuilluartuusumik, naligiissittaanermik, allanngorartumik, ilinniartitaanermik, assigiinngisitaartumik, ilinniartitaanermik, pilersitsinermik imaluunniit immikkut illuinnartunik pitsaasunillu angusaqarsimasunik.
Isumassarsiaqarsimaguit, suliffeqarfik siunissami sorleq qaamatip suliffeqarfiatut taaneqarsinnaasumik, taava uagutsinnut allanniarina.
Uani qaammammi Malou Media oqaluussimavarput.
Malou Media oqaluttuanik pilersitsisarpoq, pitsaanerulersitsisunik
Malou Media pillugu oqaluttuaq novembarimi 2014 aallartippoq. Tassani pilersitsisoq pisortarlu, Martin Nordlund filmeriartorpoq. Filmi, pilersitsisup 27-inik ukiullip soqutigivallaanngilaa – kisianni filmi pilerisaarut filmip aallartinnginnerani. Tassani Martin-ip niuerfik amigaateqartoq malugaa, immerumasani. Taanna Malou Media-p aallartissutigaa.
Martin isumaqarsimagaluarpoq, nammineq sakkutuunngussussalluni – Kalaallit Nunaannilu allakkerisutut ukioq immerfiusup taassuma pilersitsinissaq sunnerpaa. Kisianni ullut ilaanni filmertarfimmi issiatilluni filmilu pilerisaarut takugamiuk, allanngorpoq – tassanngaanna allarluinnarmik oqaluttualiornissaminut periarfissaq takuaa. Taamanikkut Martin Nordlund-ip 19-inik ukioqartup Malou Media pilersikkamiuk taamaasillunilu pilersitsisunngorluni. Malou Media oqaluttuanik nuannersunik pilersitsiumalluni aallartippaa, iluaqutaasussanik. Ullumikkullu Malou Media pisisartuminut annertoorujussuarmik inuiaqatigiinnullu oqaluttuat tunngavigalugit pitsanngortitsivoq.
Martin Nordlund annertuumik nukeqartuuaannarsimavoq – nukillu taanna pilersitsisartutut atorfissaqarluartissimavaa. Annertuumik suliffeqarfimmik pilersitsineq piumasaqaatitaqarsimavoq kisianni Martin-ip takorloorsinnaanngilaa, allanik suliaqassalluni. Nunarput suliffeqarfimmik pilersitsiffissatut pitsaasutut isigisimavaa. Periarfissat amerlapput, aamma annertoorujussuarmik iluaqutaasussaavoq.
”Kalaallit Nunaat pilersitsiffissatut pitsaalluinnartuuvoq. Ineriartorneq annertoorujussuuvoq, aamma periarfissat amerlaqaat,” Martin Nordlund oqarpoq nangillunilu:
“Oqaluttuariuminaappoq, qanoq annertutigisumik nuannaalersikkaanga.”
Ataatsimoorneq assigiinngitsunillu periarfissaqarneq
Tapersersortissarniorit amerlasuut ilaat Martin-ip erseqqisagaa nuna tamakkerlugu ingerlanneqartoq, Malou Media-p Unicef-imut NAKUUSA-lu sinnerlugu suliarivaa. Tapersersortissarsiornerup siunertarivaa meeqqat ataatsimoortunut peqataatinneqanngitsut peqataatinniarlugit kiisalu assigiinngitsunik periarfissaqarneq ukkatariniarlugu. Malou Media-p aallaqqaataaniit naanissaata tungaanut suliarivaa – suliarisaallu annertuumik iluaqutaavoq.
“Misissuinerit takutippaat, tapersersortissarsiornerput iluaqutaasoq. Unicef-imut NAKUUSA-mullu tapersersortissarsiorluni suliaqarnerup ersersikkaa takusinnaavarput, inuit ikinngutigiinnerulersut eqqarsaatigalugulu, allat ataatsimoornernut peqataanngitsoortinneqassanngitsut”, taamak oqaluttuarpoq.
Malou Media-p allannguinermik pilersitsinera allanngueqataavoq, suliffeqarfiit amerlasuut allat periuserinngisaat atorlugu. Taamaattorli inuiaqatigiinnut tapersiissutaat allanit minnerusutut isigineqassanngilaq.
”Nuannersorujussuuvoq, suliatta piviusumik allanngortitsinernik pilersitseqataaffigimmagu. Taannaavorlu, inuiaqatigiinnut taperseeqataanitsinnut ilaasoq. Allannguinermik pilersitsivugut, malugineqarsinnaasumik. Tassami uagut attaveqaateqarnitsiut pilersipparput,” taamak Martin oqarpoq.
Akeqanngitsumik sulisussanik neqeroorpugut – taannalu iluatsilluarpoq
Martin pilersitsisutut aallartitsinnani, pitsaasunik siunnersortissarsiorpoq, sioqqullugu qanoq iliortarsimanersut. Tassani siunnersuutit ilagivaat, akeqanngitsumik sulissisussanik pisiniarfimmi nutaanik pisisartunik pissarsiniarluni neqerooruteqassasoq. Martin-ip siunnersuut taanna atorsimavaa – iluatsipporlu.
”Akeqanngitsumik sullissinissamut pisisartut nutaat neqeroorfigigakkit, eqqarsarpunga, taanna misilikkaluarniarlugu. Aatsaat kingornatigut, paasivara, aaliangerneq taanna qanoq ajunngitsiginersoq. Atitta ilisimaneqalerneranik naqissusiivoq,” taama Martin oqarpoq.
Kisianni qularutigineqassanngilaq, taassuma malitsigimmagu, amerlasuunik kinguneqartitsisussanik. Soorlu Martin-ip oqarneratut, iluatsinnermiit ajutoornissamut qanittuararsuuvoq, nutaanik nutaatut pilersitsiniartuulluni. Taamaattumik akunnerit eqqumaffiit tamaasa pisisartutsinnik iluarusulertitsiniarnermut atortapagut, akeqanngitsumik sullinneqarnissamik akuersisimasunut.
Ullumikkut akunnerit eqqumaffiit tamaasa Martin Nordlund-ip computerimi saniani imaluunniit immiussinernut atorneq ajorpai, aamma maanna inissisimanera allaalluinnarpoq.
”Assigiinngitsunik suliaqarnissannut pitsaanerulersimavunga, nukissannik tunisisunik aamma taamaallaat nukinnik atuipiluffiunngitsunut. Suliakka nuannareqaakka, tamatumalu nukissannik annertuunik tunisarpaanga. Tassunga peqatigitillugu ikinngutikka naapittarpakka suliassaqarfiulluartumillu inuuneqarlunga. Pingaaruteqarpoq, timip niaqqullu atorluarnissaat.”
Martin-ip Malou Media pilersikkamiuk, kisimiilluni suliaqartuuvoq nammineq oqarneratut. Taanna isumaqarpoq, aallakaatitassanik immiussinerit peqataaffigisarmagit imaluunniit, kingornatigut qiortaanernut. Ullumikkut taamaanngilaq. Ullumikkut Martin sulisuni aqutarai. Inuusuttumut pilersitsisartumut allanik piumasaqaatitaqarpoq.
”Tunisassiornerni annertuumik peqataasareernikuulluni aqutsisuuneq aamma suliassanik tamanut malinnaaneq soorunami allannguineruvoq. Kisianni allannguineruvoq, nuannarutigisara. Taanna isumaqarpoq, siunertakka iluatsissimasut, imminut tunniussimasakka. Taanna aamma isumaqarpoq, suliffeqarfitta alliartorsimaneranik,” Martin oqarpoq nangillunilu:
”Suliffeqartummi tamarmik uannit utoqqaanerupput, aamma taama ingerlatsineq soqutiginartuuvoq. Aqutsisuuninni misilittagaqarfigilersimavara, sulisukka annertuumik suliarisimasannut angusannullu ataqqinnittuusut. Oqanngilanga, ukiut apeqqutaanngilluinnartuusut, kisianni isumaa annikinnerunngilaq.”
Siunissaq marluinnut immikkoortinneqarpoq
Siunissaq eqqartuleramiuk, Martin Nordlund-ip marluinnut immikkoortippaa. Siunissamut pilersaarutaasumut aamma siunissamut sinnatukkanut. Siunissamut pilersaarut Martin-ip naatsumik eqqartorpaa, kisianni siunissamut sinnattut allaapput.
”Siunissamut anguniagaq tassaavoq, pitsaanerpaanngornissarput. Taanna ajornanngitsuararsuuvoq,” taamak Martin Nordlund illaatigaluni oqarpoq, nammineq takusinnaavaa, siunissamut sinnattut taamak naatsigisumik oqaatigineqarsinnaanngitsut.
”Eqqarsaatigisinnaavara, uagut siunissami kanaligut pitsaanerusunik imaqarnissaat. Taanna sallinngortikkuminaappoq, piffissat ilaanni ulappuseraangatta. Kisianni ullut arlaanni uagut nammineq podcastiliagut suliarisinnaanngorutsigit imaluunniit nangeqataartut, taava pitsaalluinnassagaluarpoq. Sinnatuuvoq, Malou Media tusagassiivitut allakaatitsisartutut pilersitsartutut tuniniaanermullu annerpaanngornissamut sinnattugaqarpoq,” taamak Martin Nordlund naggasiivoq.