Inuussutissarsiornermik ingerlataqartut nunarsuarmi tuniluuttumik nappaateqarnerata ingerlanerani naleqqussartuartariaqarsimapput ulluinnarni eqqoriaruminaatsumut, suliffeqarfiit amerlasuut annertuumik nersualaartariaqarput, pissutsinut nutaanut nalimmassaqinnerannut aamma aaqqiissutissanik nassaarsiullaqqinneranut. Amerlasuunut taanna sakkortusimavoq, minnerunngitsumik peqqutigalugu killilersuinerit sakkortunerpaat akulikitsumik ulapinnerpaaffimmi eqquisarmata taamaasilluni ukiumut isertitassaagaluit annersaat annaaneqartarmata.
Novembarimi kalerriissuteqaqqaarani katersuussinnaanermut killilersuineq atuutitinneqalerpoq, kisianni qanoq ililluni suliffeqarfiit annaasaminnut taarsiiffigineqassanersut akuerineqanngitsumik pilersaarummik saqqummiussiffigineqanngitsut. Matussineq ukiup ingerlanerani akunnerup naanerani ulapaarfiunerpaat ilaanni juulliliivissoq atuutsitaalerpoq. Sulisitsisut piffissap sivisuup ingerlanerani annertuumik sulisimapput naammaginartumik taarsiiffigitinnassamut aaqqissuussineq inissinniarlugu, maanna sulineq sakkortooq kiisami imminut akilerpoq: Inuussutissarsiornermik ingerlataqartut maanna taarsiiffigineqartussanngorput – aamma pisussanut taamaatiinnarneqartunut!
Sulisitsisut takorusussimagaluarpaat ikiorsiissutit siusinnerusukkut atuutilersinneqarnissaat aamma killilersuutit eqqunneqarneri peqatigalugit atuutitilersinneqarsimassagaluaramik. Kisianni taamaakkaluartoq Naalakkersuisut atorfilittallu suleqatigineranut pitsaasumut qutsavigerusuppagut, inuussutissarsiortullu pisariaqartitaannut tusaaniarsimammata.