Omikron Nakorsaaneqarfik malillugu Kalaallit Nunaannut anngussimavoq, kisianni akiuussutissamik kapuuinerit siuariartorput aamma nutaaq taanna sakkukinnerusumik napparsimatitsisarpaluppoq kiisalu naatsorsuutigineqarpoq napparsimavimmut unitsitsisarnerit ikinnerussasut siusinnerusukkut atuuttumiit. Taamaattorli, equngasumik eqquivoq aamma naleqqutinngitsumik sakkortuallaarpoq.
”Kalaallit Nunaat amerlasuutigut ukiuni marlungajanni COVID-19 pillugu iliuuseqarnermini kusanartumik qaangiivoq kisianni pingaaruteqarpoq iliuuserineqartoq naleqqusassallugu, taamaasilluta killilersuinerit sakkortuut aqqusaaqqinnginniassagatsigit aamma puigussanngilarput inuttut, socialimut tunngasunut aningaasarsiornikkullu kingunerisinnaasai, iliuutsip kingunerinik. Nassuerutigissavarput, inuiaqatigiittut COVID-19 inooqataaffigissallugu ilikkartariaqaratsigu,” Christian Keldsen taama oqarpoq, Sulisitsisuni pisortaasoq.
Killilersuutit inuussutissarsiornermik ingerlatsisunut aamma sulisuinut kinguneqarpoq, eqqugaajuartunut pisortat ikiorsiissutaat annaasanut naleqqiullugit naammanngillat. Suliassaqanngippat, taava suliffissat atuutitiinnarneqarsinnaanngillat. Killilersuisoqarpoq, isumaqarnarluni ukiumikkut eqimattat eqqorneqarsorinanngillat, ajornartorsiortitsisut. Assersuutigalugu maanna inuusuttut akornanni tuniluunneq ukkaneqalerpoq, aamma naak pineqartut taakku eqimattat eqqortut pineqaraluartut, unnuami imerniartarfimmiittartut, taava annerpaamik tuniluunneq meeqqat 5-iniit 9-nut ukiullit akornanni pivoq, aamma qaqutigoorpoq imerniartarfinni piffissami 22-imiit 05-imip tungaanut takuneqartarneri.”
Pisortat iliusaasa akiussutissamik kapuuinermik tunngaveqarpoq, soorunami kissaatiginarpoq amerlanerit akiuussutissamik neqoruurut tigussagaat. Kisianni inisseqqavugut, inuiaqatigiit anernertik unitseqqavaat anguniakkat anguniarlugit utaqqinitsinni, taakkualu piviusorsiortutut isikkoqarsorinanngillat, aamma akiuussutissamik kapitinnissamut piumassuseq piffissap ingerlanerani takujuminaappoq.
Misissortinnissamut iliuusissaq nutaami kikkut eqimattat piniarneqartut, kingunerisassai sunniutaallu isiginiarneqarput, taassumalu qularnanngitsumik takutikkumaarpaa inuiaqatigiinnut annertuumik iluaqutaassasoq. Kisianni killilersuinerit annertoorujussuarmik socialimut tunngasunut, inuttut aamma aningaasarsiornikkut tunngasunut meeqqanut aamma inuusuttunut, kulturikkut, suliffeqarfinnut eqquipput, peqatigitillugul eqquinerat kukkusuuvoq. Taamaattumik Sulisitsisut sakkortunerpaamik kaammattuerusupput, siumut isigaluni misiliinermut iliuusissiaq assigalugu qulakkeerniassalugu assigiinnerusumik iliuuseqarnissaq aamma killilersuinerit sunniutaat ukkanneqassapput taamaasilluni inuiaqatigiinnut sunniutaasa kingunerinut naluqqussarlugit, taassuma ataani inunnut takkununnga, suliffimminniit maannakkut angerlartinneqartunut.