Aallartitat amerlasuut inuit inuussutissarsiortut 60-it missaaniittut Kalaallit Nunaanni aatsitassarsiornermut attuumassuteqartut nunarsuarmi aatsitassarsiornermik suliaqartut PDAC-imi Torontomi (Prospectors and Developers Association of Canada) ataatsimiinneranni peqataasimasut uteqqammerput, taakku ataatsimiinnernut peqataasimapput saqqummiillutik aatsitassarsiornerlu pillugit oqaloqateqartarsimalluti.
Bent Olsvig Jensen, Sulisitsisut aatsitassanut brancheudvalgiani siulittaasoq, annermik aatsitassarsiornermik suliaqartut maluginiarsimavai annertuumik atuilluartuunissaq ukkatarilersimagaat.
”Aatsitassarsiornermik suliaqartut ukiorpassuarni qanoq ilillutik atuilluartuusumik aatsitassanik piianissaq qulakkeerniarlugu sulisimapput, aamma aningaasaliisartunit annermik tapersersorneqarput, aningaasaliiffigisaminnut suliassanut annertunerujartuinnartumik piumasaqaatitik annertusillugit. Suli ajornarnerulissaaq aatsitassarsiornermik suliassat aningaasaliiffigineqarnissaat, ulluinnarni ESG-imik taaneqartartoq (Enviroment-Social-Governance)”, iluamik aqunngikkaanni, taamak naqissusiivoq siulittaasoq.
Taassuma saniatigut Kalaallit Nunaanniit Aatsitassanut Inatsisinullu tunngasunut Naalakkersuisoq, Aqqaluaq B. Egede ataatsimiinnerpassuarnut peqataavoq saqqummiillunilu, aamma ersarissunik kissaateqarpoq, Kalaallit Nunaanni aatsitassarsiornermik suliaqartut inuiaqatigiinnut iluaqutaassasoq annermillu sumiiffinni innuttaasut peqataatinneqassasut. Sulisitsisut pisortaat Christian Keldsen, isumaqataavoq, nuannaarutigaalu ersarissumik nalunaaruteqarmat.
”Tamanna ajunngitsuuvoq, aamma taakkunannga suliaqartut tamanna annertuumik ukkatarilluarpaat. Kisianni annertuumik qanimut Naalakkersuisut, kommunit suliffeqarfissuillu suleqatigiinnissaannik piumasaqarfiuvoq. Peqatigiilluta ajunnginnerpaamik suleriusissamik pilersitsinissarput pisariaqartipparput, tamatumalu paasissutissiisarneq annertunerusoq pisariaqartippaa, aamma uagutsinniit inuussutissarsiortunit. Misigaarput, nalornissutinik pilersoqartoq, amerlasuunummi nalorninartuuvoq maani nunami, nunap iluaniittuniit ersertitaqalersinnaaneq, aamma sumiiffinni inuiaqatigiittut tassunga tunngatillugu iluaquteqarsinnaanerput”.
Ukioq manna PDAC-imi pisarnertut Aatsitassanut Naalakkersuisup selskabinit aallartitat amerlasuut, Kalaallit Nunaanni aatsitassarsiornissamut allagartaqartut ataatsimeeqatigai. Tassani suliaqartut Naalakkersuisup sumiiffinni peqataatitaqarnissaq kissaatigaa aamma arlalinnik siunnersuutinik saqqummiisoqarpoq, sumiiffinni avatangiisinut iluaqusiisussamik – taassuma ataani ilinniartinneqarnerit annertunerusumik ukkataralugit aamma aatsitassanik suliaqarnermi periarfissat siammartinneqarnissaat. Naalakkersuisup aamma oqaatigivaa isumaqatigiissutigineqarsimasut nutarsarneqarnissaat nalilersorneqarsinnaassasoq, suleqatigiinneq pillugu iluarsiissutaasinnaasoq og sumiiffinnil aatsitassarsiorernup sunniutigisinnaasai (tassa imatut taaneqartartoq Impact Benefik Agreement).
Sulisitsisut aatsitassanut Naalakkersuisoq saqqummiisaqartaarnermik peqataaneranut aamma tusarnaarneranut aatsitassanillu suliaqartunik oqaloqatiginnittarneranut. Aamma annertuumik Dansk Industri qutsavigaarput, PDAC 2022-imi aallartitat peqataanissaannut aaqqissueqataasoq aamma Trade Council qutsavigineqarpoq, inuussutissarsiutit pillugit saqqummiinernut aningaasaliissuteqaqataasoq.