2019-imi Canadian Development Corporation-imiit aallartitat Nuummut tikeraarput, tassani Nunavut-miit, Nunavik-miit, Nunatsiavut-miit aamma Inuvialuit Settlement Region-ip aallartitat namminersorlutik inuussutissarsiutillu pisortallu sinniisaat ataatsimeeqatigaat. Tikeraarnerup siunertaraa qanoq kalaallit suliffeqarfiisa ingerlatsisarnerat paasiniaaffiginissaa aamma aningaasarsiornikkut ineriartortitsinermik suliaqarnerat.
Aamma tamatuma saniatigut aallartitat suleqatigiiffiusinnaasut suunersut misissorpaat, taassuma ataani attaveqaqatigiinnermut tunngasut, aalisarneq, assartuineq aatsitassarsiornerlu, aamma nalinginnaasumik canadamiut tungaanniit annertuumik soqutigineqarpoq suleqatigiinnerup nunatta taakku marluk akornanni annertusarneqarnissaa. Immitsinnut atassuteqarnerput amerlasuunik tunngavissaqarpoq sulissutigineqarsinnaasullu annertupput.
Majimi 2022-imi aallartitat nutaat Inuit Development Corporation-ip Inuit Land Claims Organization-ip sinniisaasa Nuuk tikeraarniarpaat Future Greenland-imi ataatsimiinnermut tunngatillugu. Neriuutigineqarpoq attaveqaqatigiinneq pilersinneqaqqikkumaartoq nukittorsarlugulu, kisianni imminut attaveqatigiinnerit nutaat pilersinneqarnissaat aamma Kalaallit Nunaanni suleqatigineqarsinnaasut.
Aallartitat tikeraarnissartik qilanaaraat aamma Sulisitsisut tunngaanniit aamma uagut taamaappugut.
