Ataqatigiinneq, politikkikkut sunniuteqarnissaq nuimanissarlu avataasigut Sulisitsisuni ilaasortat periarfissaqarput pissutsini piviusuni ikiortinnissaminnut siunnersortinnissaminnullu.
Aammattaaq Sulisitsisut ilaasortaanerup kinguneraa iluaqutissat erseqqissut, ulluinnarni suliffeqarfiup ingerlanneqarnerani oqilisaataasuusoq
GE suleqatigiinnermi isumaqatigiissutiteqarpoq qallunaat suliniaqatigiiffiini, tamanna pillugu Sulisitsisut siammasinnerusumik, ikiortissamik siunnersuutinillu aallertarsinnaalluni suleqatigisamut. Inernera imaappoq, neqeroorutigisinnaavarput siunnersuineq pitsaaneq suliassani erseqqissuni aammattaaq ilaasortaanermi iluaqutit erseqqissut .
Suliffeqarfiup Sulisitsisuni ilaasortaanerata branchini quliusuni ataaseq ilaasortaaffigissavaa. Branchini quliusuni arfineq pingasut Qallunaat Nunaanni suleqatigiinnissamut isumaqatigiissuteqarput:
Aatsitassanut Sanaartornermullu branchi Dansk Byggeri suleqatigiinnissamut isumaqatigiissuteqarfigaa.
El aamma VVS Tekniq suleqatigaa
Niuertarfiit, suliffeqarfiit liberaliusut, Kiffartuussinerit Angallassinerillu, IT aammalu Attaveqaqattigiinneq Tusagassiuutillu Dansk Erhverv suleqatigiinnissamut isumaqatigiissuteqarfigaat.
Hotel, Neriniartarfiit aammalu Takornariaqarneq HORESTA suleqatigiinnissamut isumaqatigiissuteqarfigaa
Ilaasortat navianartorsiutaasumik nappaateqarnermi aammalu ilaquttat qanigisani toqukkut qimaguttoqarnerani akiliunneqarluni angalanissamut aaqqiissummut qinnuteqarnissaminnik periarfissaqarput.
Neqeroorutigineqartunut assigiinngitsunut apeqquteqarniaraanni allattoqarfimmut saaffiginneqquneqarpoq.