Suliffeqarfimmut allamik isumassarsiffissamik ilinniarfigisinnaasamillu tusassalluni, ‘allat qanoq iliortarpat’. Taanna atuuppoq aqutsisunut, ingerlatsinermut, ineriartornermut aamma maannakkut apeqqutinut allanut tunngatillugu. Nunatsinni angisuumi akulikitsumik naapinissaq ajornaatsuinnaaneq ajorpoq. Kisianni aamma Sulisitsisut ilaasortaasa ilisimasassanik avitsinissaq nuannarisarpaat.
Taamaattumik Sulisitsisut qaammatit tamaasa taanna pillugu oqaluttuartarput, taasakkatsinnik ‘qaammatip suliffeqarfia’. Suliffeqarfiit ukkatarisarpagut, immikkut ittumik sumiiffinni avatangiisiminnik aamma atuilluartuusumik, naligiissittaanermik, allanngorartumik, ilinniartitaanermik, assigiinngisitaartumik, ilinniartitaanermik, pilersitsinermik imaluunniit immikkut illuinnartunik pitsaasunillu angusaqarsimasunik.
Isumassarsiaqarsimaguit, suliffeqarfik siunissami sorleq qaamatip suliffeqarfiatut taaneqarsinnaasumik, taava uagutsinnut allanniarina.
Uani qaammammi Hotel Nordbo oqaluussimavarput.
Unnuisarfinnik inissianik 10-inik aallarniuteqarsimavoq – ullumikkut 73-iupput.
Ungasippallaanngitsukkut Hotel Nordbo-p katiffissiorluni ukiut 20-inngorlugit nalliuttorsiussaaq. 1998-imi aallartissimavoq, Leif Aagaard Allan Bo Jensen-ilu nalaatsornerinnarmik naapimmata. Ikinngutigiinngortut taakku marluk Nuummi Vandsøvejemi illusisimapput. Unnuinarfinnik inissianik 10-inik sanatitsisimapput, aamma ullumikkut aallerlerinerit kingorna 73-inngorsimapput. Kisianni pilersaarutaanngilaq, ineriartortitsineq pitsaasoq unitsinneqassasoq – akerlerluinnaanilli piniarput.
Ullumikkut Hotel Nordbo unnuisarfinnik inissiaateqarpoq neriniartarfiuteqarlunilu. Unnuisarfimmi arfineq marlunnik sulisoqarpoq, aamma neriniartarfimmi attartukkami arfineq pingasunik sulisoqarpoq. Ukiut 25-inngulersuni allilerinerillu kingorna, avaqqunneqanngitsoorsinnaanngilaq, Hotel Norbo peqqissumik ingerlalluarneqartumillu suliffeqarfiummat. Piginneqataasoq siulersuisunilu siulittaasuusoq Allan Bo Jensen oqaluttuarpoq, tamakkerlugu isiginninnermik qajannaatsumillu ingerlatsinertik pissasoq. Sulliffeqarfik maannakkut kisianni aamma siunissami.
”Ataqatigiilluartumik ineriartortitsisimavugut. Ineriartornerput peqatigitillugu imaalisimavoq, inggerlatsinerput ineriartorteqqissinnaanngorlugu. Aallartitsigaangatta, taava alloriaqqinnissaq tulleq piareersimaffigisarsimavarput,” taama oqarpoq nangillunilu:
”Ullumikkut angalariaasiusoq, aamma unnuisarfinnik naatsorsuuteqarneq annertuumik ukiuni tallimani arfineq pingasullu akornanni annertusisimavoq. Taamaattumik piareersimaffigiuassavarput, tikeraatut suna naatsorsuutigineqarsinnaasoq. Ullumikkut siunissamilu,” Allan Bo Jensen oqarpoq.
Ukiup ataatsip ingerlanerani Hotel Nordbo 16.000-itsit missiliorlugit unnuisoqartarpoq. Unnuisarnerit amerlanerpaat ullumikkut, Hotel Nordbo-p nammineq taasarpai inuutissarsiortutut unnuisarnerit. Imaalluarsinnaavoq, siunissamik allanngoratarsinnaasoq. Maannakkut Hotel Nordbo-p takusinnaanngoreerpaa 8-10 procentit akornanni takornarissat innimiisarnerat qaffagiartortoq.
”Siusinnerusukkut annertuumik ukkatarisimavarput, uagut unnuisarfittut inissiaatigut imminut pilersortuusinnaasut. Inuussutissarsiutitik pillugi angalasut iluaqutigisarpaat. Imaassinnaavoq, siunissami allanngortoq. Mittarfiit pingasut nutaat, ingammik Nuummi, isumalluarfigaagut, suli qaffagiartussasut,” tamatut oqarpoq pingaarutaalu naqissuserlugu, tamakkerlugu isiginninneq politiikerit tungaanniit atuussimqasoq.
”Mittarfiit nutaat ajunngilluinnartup tungaanut alloriarnerupput. Nuannaarutigaarput, tamakkerlugu isiginnissinnaasimaneq aamma taamaasillunik takornariaqartitsineq ikorfartorpaat.”
Takornariaqarneq atuilluartuunermik tunngaveqassaaq.
Takornariaqarnerup qaffannera soorunami Hotel Nordbo-mut ajunngitsuuvoq. Kisianni peqatigitillugu pingaaruteqarpoq, takornariaqarneq aqunneqarsinnaanngitsumik ingerlalernissaa. Isumagisariaqarparput, takornariaqarnerup atuilluartuusumik ingerlanneqarnissaa, taamak oqaluttuarpoq Allan Bo Jensen. Tamatuma malitsigaa, tikeraat amerlavallaannginnissaat, soorlu Hotel Nordbo-tut ittut malinnaasinnaajunnaartillugit. Peqatigitillugu imatut malitseqassaaq, pinngortitarput kusanartoq immikkuullarissorlu illersorneqassammat.
”Kalaallit Nunaat amerlasoorpassuarnik neqeroorutissaqarpoq. Pingortitaq kusanangaartoq kulturerpullu immikkuullarissoq. Maannakkorpiarlu siunissaq pisanganangaartoq takusinnaavarput. Peqataaffigissavarput siunissarput ineriartortsitsivigissallugu – qilanaarivarpullu. Kisianni isumagisariaqarparput, takornariartitsineq atuilluartuusumik ineriartortissagatsigu, ajalusoortitaaqinagatta,” taama oqarpoq nangillunilu:
” Hotel Nordbo Kalaallit Nunaata ilusilerpaa, aamma taamaattuaannassaaq. Anguniartuaannarput tikeraartigut piviusorpaluttumik pitsaasumillu misigisaqartartinnissaat. Tassanilu aamma ineriartortuaannassaagut,” oqarpoq Allan Bo Jensen.
Angalaneq tupinnarluinnartoq
Allan Bo Jensen aperigaanni, suna Hotel Nordbo-mik piginneqataasutut ukiut 25-it ingerlaneranni eqqaamanerpaaneraa, nalornissuteqanngivippoq.
”Angalaneq tupinnarluinnartuusimavoq. Kisianni kingumut eqqarsaatigiuaannassavara, angalaneq aallartimmat. Eqqarsaatigigaanni, unnuisarfittut inissiat 10-t aallartissutigigatsigit ullumikkullu 73-iuteqarluta,” oqarpoq Allan Bo Jensen qungujulluni nangillunilu:
” Kingumut eqqarsaraangama, taava inuussutissarsiutinik ingerlataqartut inuit, piffissap ingerlanerani ineqartissimasagut. Amerlasuut angerlarsimaffitsik sivisuumik qimaqqasarpaat, aamma nuannerluinnartarpoq angerlarsimaffittut ittumik unnuisarfittitut inissiamik najugaqartissallugit,” oqarpoq Allan Bo Jensen.
Ukiut 50-inut katiffissiornerput killeqassava?
Ukiut 25-inngortorsiorlugit suliffeqarfittut ingerlasimagaanni, taava apeqqutissaqqissoq tassaavoq, aamma ukiut 50-inngorlugit katiffissiussanerluta. Apeqqummut tassunga akissutaasoq tassaavoq aap aamma naamik.
”Aap, neriuutigaara, ullut ilaanni 50-iliilluni katiffissiorneq nalliuttorsiutigineqarumaartoq. Kisianni Hotel Nordbo-innarmut nallittorsiutigineqassagunarpoq. Ukiut 25-it ingerlateqqikkusunnaraluarpoq, kisianni kuisinnermi allagartatta akerlilerpaatigut,” illaatigaluni Allan Bo Jensen naggasiivoq.