AALISARNEQ PILLUGU SIUNNERSUISOQATIGIINNUT,
2020-mi Aalisarnermut, Piniarnermut Nunalerinermullu Naalakkersuisoqarfik aqutsinermut pilersaarutinik suliaqarnermut tunngatillugu Aalisarnermut Siunnersuisoqatigiit isummersuinerat ilanngullugu pingaarnersiukkanut allattuiffiliorpoq. 2020-mi arlalinnik aqutsinermut pilersaarusiortoqarpoq taamaasillunilu allattuiffik nutarterneqarluni.
Taanna aqutsinermut pilersaarutinik suliaqarnerup tulluarnerpaamik aamma piffissaqarluartumik pilersaarusiorneqarneranut atorneqarumaarpoq, taamaasilluta siumut isigisumik suleriaaseq pitsaanerpaaq qulakkiissavarput.
Aalisarnermut Siunnersuisoqatigiinnut ilisimatitsissutigineqassaaq, Naalakkersuisoqarfik 2021-mi aqutsinermut pilersaarutinik allanik aallartitsinianngitsoq, kisiannili aqutsinermut pilersaarutit aallartinneqareersimasut naammassineqarnissaat qitiutinneqassaaq.
2022-miit aqutsinermut pilersaarutinik suliaqarnerup sapinngisamik pitsaanerpaamik pilersaarusiornissaa anguniarlugu pingaarnersiukkanut allattuiffik nutartigaq Aalisarnermut Siunnersuisoqatigiinnut tusarniaassutigalugu matumuuna nassiunneqarpoq. Tullinnguuttunut isummernissarsi ujartorparput:
- tulleriiaarineq suli kissaatigisamut naapertuuppa?
- aqutsinermut pilersaarutinik allanik allattuiffimmiinngitsunik ilanngusserusuttoqarpa?
- aqutsinermut pilersaarutip tulliata suliaralugu aallartinneqarnissaa qaqugu piviusorsiortuussangatippisiuk?